2 Kronikas 33:8 - DAWAN BÎLA AISKA

⁸ Bamna kli aima wala ra, Israel luhpia nani ba sakan kabia apia, baha tasbaya damika nani ra yâri ba wina dîa yang adarka yâri ba dauki kabia kaka, baha sin dîa lâka albiki Moses yan ba daukisa kaka.”

2 Kronikas 33:8 ပူးပေါင်းရင်းမြစ်များ

2 Samuil 7:10

Baha purkara, yang upliki Israel nani dukiara plis kum pat ridi daukri sa, witin nani ba baha ra takaskaia bara ai tasbaya bri iwbia. Bahara upla witin nani ra trabil munbia apia, saura dadaukra nani bara upla tataibra nani sin blasi muni kata ba baku munbia apia.

1 Kronikas 17:9

Baha purkara, upliki Israel luhpia nani ra plis kum ridi sakri, bara baha pliska ba aihka sakri sa, witin nani bahara iwbia ai tasbaya pali baku; upla kumi bui sin pât munan kabia, kaina piua ra upla saura nani bui taibi bri kan ba baku kabia apia,

2 Kronikas 33:9

Sakuna Manasés daukan Juda bara Jerusalem ra aiska sut ba yabal saura ra wabia, bara saurka nani kau manis daukan, nisan wala nani Dawan bui sauhki tikata ba Israel wal.

Jirimaya 7:7

bara baku lika naha tasbaya damikam nani tasbaya ban kaia yabri na ra ban mai swirka nâra kama.

Libait Lâka 10:11

Bara man nani tawi, Israel luhpia nani sut ra naha lâka smalkma, Gâd bui Moses ra lâ nani yan ba lâka tilara naha brima.”

Libait Lâka 8:36

Bamna Eran ai luhpia waitna nani aikuki, Dawan bui Moses ra dîa lâ nani daukaia win ba, baha lâka nani ba witin nani bîla wali daukan.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Kli Smalkanka 27:26

‘Naha lâka nani ya kulkras kabia ba, lahtuban kabia, trai kaikras kabia sin.’ Bara upla sut wibia: ‘Baku kabia.’

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Kli Smalkanka 5:31

sakuna man lika yang wal nâra takasks, kan lâ nani bara diara daukaia lâka nani ba sut mai smalkaia sna, baha kuntrika ra dimi dawanka takma ba ra lâka nani ba dauki kama.’

Kli Smalkanka 8:1

“Naiwa lâ nani maikisna ba, man nani daukaia trai kaiks, bara baku sip kama man nani raya kaia, bara ailal sin sahwi naha kuntrika Dawan bui damikam nani ra yabaia win ba dakbi brima.