2 Kronikas 33:18 - DAWAN BÎLA AISKA

¹⁸ Manasés sturka kau bâra ba, Gâd ra ai pura sunan ba, bara prapit nani Dawan bîla witin ra aisin ba, Dawan Israel Gâdka nina ra, baha sut ba king nani sturka ulban wauhkataya ra ulban sa.

2 Kronikas 33:18 ပူးပေါင်းရင်းမြစ်များ

1 King Nani 11:41

Salaman sturka nani bara dîa dîa sut daukan ba, bara ai sinska lâka ba sut lika, Salaman sturka ulban wauhkataya ra bâra sa.

1 King Nani 14:19

Jeroboam sturka nani ba bara war aiklabanka, witin nahki king aimakan ba, Israel kingka nani sturka ulban wauhkataya ra sut ulbi mangkan sa.

1 King Nani 15:31

Nadab sturka nani bara dîa dîa daukan ba sut, Israel kingka nani sturka ulban ba wauhkataya ra ulbi mangkan sa.

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 Kronikas 20:34

Witin ai sturka nani wala, tâ krikan wina prakan kat ba, Jehú ai ulbanka ra sa, Hananí luhpia, bara Israel kingka nani ulbi sakanka tilara sa.

2 Kronikas 21:2

Joram muihnika nani, Josafat luhpia nani ba naha nani kata: Azarías, Jehiel, Sakaraya, Micael bara Sefatías. Witin nani sut Josafat Juda king ba luhpia nani kan.

2 Kronikas 32:32

Ezequías sturka wala nani ba, ai yamnika daukan ba, Aiseya Emus luhpia wauhkataya ra sturka ba ulban sa, baku sin Juda bara Israel kingka nani wauhkataya ra.

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

2 Kronikas 33:19

Ai pura sunanka bara Dawan wina aisinka brin ba, ai saurka bara kasak apia daukanka nani bîla walras lâka nani daukan ba, aidul gâdka nani ra altar paski yaban ba, Aserá lilka nani mangkan kan ba, baku sin aidul nani lilka, Dawan ra bawaia watlika ra, naha sut ba prapit nani sturka tilara ulban sa.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Emus 7:12

Bara Amasías, Emus ra naku adarka yabi win: —¡Prapit, man dahra aisi wina iwaia lukisma kaka, Israel tasbaya wina taki was! ¡Juda tasbaya ra was!

Miqueas 3:7

Baha nani ai nakra ni kaiki bara diara mangki kaiki ba, tanis swira lâka ra tawbia. Witin nani sut ba, ai bîla sâp takan kabia, Gâd wina pana witin nani ra diara aisaras kabia bamna.

1 Samuil 9:9

(Blasi pali piua lika, Israel luhpia nani kum Gâd wina diara tânka kum walan dauki kan ba ra, witin nani aisin: “Kaisa yawan diara kakaira ra waia”; baha sika nanara “Gâd prapitka wi ba”, bara witin ba sika blasi “diara kakaira” mâki kan ba.)