2 Kronikas 33:14 - DAWAN BÎLA AISKA

¹⁴ Naha ningkara Manasés bui Debit Tawanka ra, Guihón waupasa tani ra, kutbanka tara kum paskan, baha ba lata tani bâk daukata, baha ba tingni kum bâk lui kan, ban pliska kum Inska nani Durka wi kan ba kat, baha ningkara Ófel kaina kir kutbaia. Kutbanka ba purara pali daukan. Bara kamandanti nani mangkan tawan nani bani kutbanka paskan tâ baikaia dukiara, Juda pliska nani ra.

2 Kronikas 33:14 ပူးပေါင်းရင်းမြစ်များ

1 King Nani 1:33

king Debit bui witin nani ra win: —Man nani, dawankam albika na alki bris, bara luhpi Salaman ba brih muyulki ra suni Guihón ra brih was.

1 King Nani 1:45

Bamna prîs Sadoc bara prapit Natán wal bui Guihón ra witin ba king kabia wisi batana laikan. Baha binka sika wali banhram ba.

2 Kronikas 17:19

Naha nani na king suliarka nani kan, bara Juda aiska ra tawan nani kaina sunaika nani ra suldiar blikan nani ba lika kulkras kata.

2 Kronikas 27:3

Jotam tempel durka dimaika pura tani nani ba paskan, baku sin paskanka wala nani, Ófel kutbanka ra.

2 Kronikas 32:30

Ezequías mita sika yaban Guihón ra lî kârma ba prakan, bara yaban mâya tani ra plapan Debit Tawanka muna tani ra. Baku bamna, diara sut Ezequías daukan ba yamni baman takan.

2 Kronikas 32:5

Ezequías ai kupia ba bukan bara tawan kutbanka ba kli paskan, bara tawer nani sin kutbanka ba purara kli paskan bara lata tani ra sin kutbanka kum. Baha purkara, Debit Tawanka ra tasba yakabi daukan pliska ba kau karna daukan, bamna langsa nani bara kan kahbaika dukia nani ailal paskan.

Nihimaya 12:39

bara Efraín watla getka ra dimaia ba kaina wina, get almuk Jesaná dukia ba kat, baha wina Inska getka dimaika kat, Hananel tawerka bara Handat tawerka purara paskanka watla laih Sîp nani getka kat bal, bara Silak Watla getka kat takaski banhri.

Nihimaya 3:3

Senaá kiamka nani ba bal, Inska nani getka ba paski banhwan. Playka nani ba bapan bara durka nani paman, praki swiaia dusa nani sin paskan.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Sofonías 1:10

Dawan ba kasak aisisa: “Baha yua ra Jerusalem ra Inska Atkaia Getka ba wina upla nani ini hilp makabi kabia. Upla wala baha lamara iwi nani ba sin, ai pura mata inbia. Bara il bîla nani ba wina, diara nani kauhi binka tara taki ba wali kabia.