2 Kronikas 33:12 - DAWAN BÎLA AISKA

¹² Sakuna witin ai sarka tilara kan bara Dawan ra makaban, bara bawan ai almukka nani Gâdka ra.

2 Kronikas 33:12 ပူးပေါင်းရင်းမြစ်များ

2 Kronikas 12:7

Dawan kaikan baha nani bawan lâka brin, bara Semaías ra win: “Witin nani bawan bamna, yang sauhki tikamna apia, tisku pali pri daukamni, bara Sisac ra sin yarka lawanki Jerusalem purara bri wabia apia;

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 15:4

Ban sakuna ai pâtka nani tilara, tawan uplika ba Dawan ra tawan, Israel Gâdka ra, bara sin plikan, witin mihta sin param takan.

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

2 Kronikas 28:5

Baha tâwan Dawan Gâd mita witin ba Siria kingka mihta ra mangkan, bara Siria uplika nani mita pura luan, upla uya Damaskus ra bri si silak ra mangkan. Dawan mita Israel kingka nani mihta ra sin mangkan, bara baha nani mita sin pura luan bara ikan.

2 Kronikas 32:26

Ban sakuna, Ezequías ba ai kulkanka ba tilara Dawan ra bawan, bara Jerusalem uplika nani sin baku daukan, bara Ezequías kau raya kan yua nani ra lika Dawan ai lawanka ba blikras kan witin nani purara.

2 Kronikas 33:23

Dawan mawanra bawras kan, sim ai aisika Manasés daukan baku, sakuna witin kau saura daukan.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Lawana Nani 118:5

Yang bui Dawan ra winri, trabil pali ra katna ba ra; witin bui yang ra walan bara ai dakbi ai sakan.

Lawana Nani 120:1

Yang pât ra sna ba ra, yang bui Dawan ra winisni bara witin pana yang ra walisa.

Lawana Nani 130:1

Tihuka tara nani wina man ra winisni, Dawan:

Lawana Nani 130:2

¡Dawan, yang bîli baikra ba wals!, ¡man kiamam nani yarka aman walbia yang puri suni kira winisna ba!

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Daniel 4:36

“Baha pali piua ra, sinski ba kli pain takan, kingki lâka ba kli briri, mayunra ba bara tara kaia lâka ba sin. Kupia krakraukra nani yang karniki mununhtara wark taki nani ba sut aidrubi balan, bara kli pali king lâka ba alkri upliki nani purara, bara nanara kainara kata ba wal kau karnika tara briri.

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Jona 2:2

naku aisin: “Yang pâtki tara tila wina, Dawan, man ra winri, bara man pana yang ra aisaram. Prura tihuka tara nani ba wina man ra winri, bara man bui yang ra walram.

Miqueas 6:9

Dawan bîla baikra ba, upla nani ra winisa; bamna aitani pali sa bawikira witin ra ai bîla wali kaia: “Tawan tâ uplika nani, upla sut sin, naha na aman wals:

Apastil Nani Sturka 9:11

Bara Dawan mita naku win: “Man bus bara yabal kum nina Wapni wi ba kat was, bara Judas watla ra wama ba ra, Tarso wina waitnika kum nina Saulo wi ba dukiara makabi wals. Witin ai pura sunisa,

Jems 4:10

Gâd mawanra mâyara bawi bas, bara witin mita purara mai bukbia.