2 Kronikas 33:11 - DAWAN BÎLA AISKA

¹¹ Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

2 Kronikas 33:11 ပူးပေါင်းရင်းမြစ်များ

2 King Nani 20:18

Bara man kiamkam nani man wina takbia ba, tila wina sut sin Babilon ra brih wabia, bara ai mahbra nani ba saki king watla ra alba bri kabia.’

2 King Nani 21:17

Diara nani Manasés daukan yaba sturka bara saura daukan ba sin sut, Juda kingka nani wauhkataya ra ulbi mangkan sa.

2 King Nani 23:33

Bara king fero Idsip kingka Necao mita, Riblá Hamat tasbaika ba kat alki, silak ra mangkan, ban kra Jerusalem ra king aimakbia kra sîa, bara ai tasbaya ba ra taibi munan lal mana silbar mâ 7,500 paun bara gul 75 paun aibapan.

2 King Nani 25:6

Bara Caldea uplika nani mita king ba alki Babilon kingka ra brih balan Riblá kat, baha ba Hamat tasbaya ra. Bahara Nabucodonosor mita Sedequías ba pât ra lakan.

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 21:16

Bamna Dawan bui daukan filisteo nani bara Arabia wina nani, Cus lamara iwi kan ba, ai kupia sauhki Joram mapara balan,

2 Kronikas 36:6

Nabucodonosor, Babilon kingka ba, witin mapara balan, bara bras sînka nani wal wilki, Babilon ra brih wan.

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Nihimaya 9:37

Tasba wina plun mâ ailal pali saki ba, baha kingka nani man mita yang nani purira mangkram ba baman brisa, yang nani saura daukisna ba tâwan; baku sin yang nani bara daiwri nani ba dawanka aimakisa, bara ai kupia lâka dîa daukaia ba kat daukisa. Baha mita, yang nani uba kupi kriwan pali sna.”

Job 12:18

King nani ba karnika âpu daukisa, bara kwala luha yaban alki priski brih auya.

Aiseya 10:8

Aisisa: ‘King nani sut ba, yang adarki ra wihta aimakisa.

Aiseya 36:9

Nahki muni man aiklaklabra wihtka kum mapara buisma, man sip apia sma wihtki tara albika kau sirpi bara munrika plapaia, ¿bara ban sin lukisma, Idsip araska nani ba bara uplika nani ba sut briaia?

Inanka Nani 3:7

Kaini kir prakan kutbanka kum dauki bilara ai mangkan, takaia apia dukiara; bara silak kiwka wirha tara ni sin ai wilkan sa;

Kli Smalkanka 28:36

“Dawan mita man bara kingkam ba sin nisan wala ra yaka brih wabia, man nani bara man nani damikam nani sin kaikras kan ba, bahara gâd wala nani walpa dus ni daukan ba warkka dauki kabia.

1 Samuil 13:6

Israel nanara ai dara walan witin nani ra karna pali dihbuya ba, kan filisteo nani aula witin nani ra aiklabaia, bara witin nani yukuwaia kan tasba kwalhni nani ra, tasba unta nani ra, walpa unta nani ra, tasba baikan ra, liwanhta nani ra sin.