2 Kronikas 32:8 - DAWAN BÎLA AISKA

⁸ Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

2 Kronikas 32:8 ပူးပေါင်းရင်းမြစ်များ

2 King Nani 18:5

Bara Ezequías ba Dawan Israel Gâdka ra, ai kupia aiska ba mangkan. Witin kainara bara ningkara sin witin baku âpu kan, Juda kingka nani ba tilara.

2 King Nani 6:16

Bara Ilaidsa mita win: —Si bripara, kan yawan wal nani ba sika kau ailal sa, witin nani ba wal.

1 Kronikas 5:22

Waihla nani ailal pali pruan kan, baha warkka ba Dawan wina kan ba mita. Bara bahara takaski iwi banhwan, alki brih wan piua ba kat.

2 Kronikas 13:12

Damra wali banhwi bas, kan yang nani kainira Dawan ai prîska nani aikuki bâra sa, bara ridi banhwisa war trumpit ba puhbaia man nani mampara. Baha mita, Israel luhpia nani, Dawan mapara war bukpara, kan almukkam nani Gâdka sa, bara man nani sip pura luma apia.”

2 Kronikas 14:10

Asá ba taki wal prawan ai waitnika nani wal, bara ai pliska brin war aiklabaia Sefata twiya ra, baha ba Maresá lamara kata.

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

2 Kronikas 20:15

bara win: “Kasak pali wali banhs, Juda bara Jerusalem uplika nani, bara man, king Josafat. Dawan bui man nani ra mai wisa: ‘Si bripara, man nani tâ iwan sin takpara baha suldiar kwâra tara ba mapara, kan naha warkka na man nani dukiam apia, sakuna Dawan dukia sa.

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

2 Kronikas 32:15

Baku bamna, Ezequías mita yarka kunin mai munbiara, bîla sin walpara, kan baha gâdka nani kumi sin nisan nani swaki sakras, bara ai tawanka nani sin, yang karniki wina bara almukki nani karnika wina sin, ¡kau pali sip apia kabia, man nani Gâdkam mita yang karniki wina swaki mai sakaia!’ ”

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Lawana Nani 118:8

Kanra yamni sa, Dawan ra man kasak lukaia, upla ra kasak lukaia ba watlika ra.

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Sins Lâka 12:25

Kupia wirha lâka mita upla spiritka ba batakisa, sakuna bîla yamni kumi, baha ba lilia sakisa.

Aiseya 30:32

Kasakka lâka dadaukra dusa prukanka kumi bani ba, Dawan mita witin nani purara prukuya ba, kungbi nani pruki, arp nani kangbi ba binka baku kabia. Dawan ba witin nani mapara karna pali aiklabia.

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Aiseya 36:18

Aman kaiks Ezequías naku mai wi kunin mai munbiara: ‘Dawan yawan pri wan sâkbia.’ ¿Dîa gâd bahki nani upla sât sât nani brih banhwi ba, ai tasbaya ba pat pri sakan ki, Asiria kingka mihta wina?

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Jirimaya 17:5

Dawan naku aisisa: “Saura pali kabia baha uplika ra ai kupia wina tnaya ai laki ba, ai lukanka ba upla nani ra kasak luki ba, witin nani wina hilp briaia pliki ba.

Jirimaya 42:11

Man Babilon kingka ra luki sibrin pali mai dauki ba, si bripara. Man nani lika witin sîa bripara. Kan yang lika man nani wal sna witin karnika ba wina swaki mai sakaia pri mai sakaia. Yang, Dawan, kasak aisisna.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Apastil Nani Sturka 18:10

Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.”

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 20:3

bara wibia: ‘Wals, Israel luhpia nani, naiwa man nani waihlam mapara aiklabaisma bamna, swapni taki sîa yapara, tatatwi sirang sin iwpara,

Kli Smalkanka 20:4

kan Dawan Gâdkam ba man nani wal sa; baha mita witin bui man nani waihlam mapara aiklabi pura lui maikbia.’

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

1 Jan 4:4

Luhpi lupia nani, man nani ba Gâd dukia nani sma, bara smasmalkra kuninkira nani ba pura luram sa; kan baha Spiritka Holikira man nani wal ba lika kau tara sa, tasba uplika nani baha spiritka bri ba wal.

1 Samuil 17:45

Debit pana witin ra win: —Man bui yang maipara, sord, langsa bara aiklabaia dusa brih aulma, sakuna yang lika man mampara aulna, Dawan karnika sut bri ba Israel kwâra tara Gâdka ba nina ra, baha nani ra man mita bit munram ba.