2 Kronikas 32:5 - DAWAN BÎLA AISKA

⁵ Ezequías ai kupia ba bukan bara tawan kutbanka ba kli paskan, bara tawer nani sin kutbanka ba purara kli paskan bara lata tani ra sin kutbanka kum. Baha purkara, Debit Tawanka ra tasba yakabi daukan pliska ba kau karna daukan, bamna langsa nani bara kan kahbaika dukia nani ailal paskan.

2 Kronikas 32:5 ပူးပေါင်းရင်းမြစ်များ

2 Samuil 5:9

Baha ningkara, Debit lika kan kahbaika pliska ra takaskan, bara tawanka nina ba Debit Tawanka mâkan, bara tasbaya aiska ba kutbi lakan, tasba yakabi daukan pliska wina king watla dimaika ba kat.

1 King Nani 11:27

King mapara Jeroboam buan ba naha tâwan sa: Salaman lika tasba yakabi daukan pliska ba paski kan, bara ai papika Debit Tawanka ra dimaia untika pîska kum ba sin praki kata.

1 King Nani 9:24

Bara king fero luhpia mairin ba Debit Tawanka wina wan, Salaman bui ai watla paski yan ba ra. Bamna Salaman bui tasba yakabi daukan pliska ba paskan.

2 King Nani 12:20

Bara witin ai suldiarka lalka nani bui ai mapara taki witin ba ikan tasba yakabi daukan pliska watla ba kat, baha lika Silá iwaika ra ba.

2 King Nani 25:4

Bara kutbanka ba ra unta kumi klauhbi war aiklaklabra nani ba sut taki plapan. Yabal dimaika kutbanka wâl bâk witin nani taki plapan tihmia ra, naha ba king watla latka lama kat kan. Caldea uplika nani ba lika tawan ba ban kutbi bri kan, bara aiklaklabra nani ba Jordan ilka bîla tani ra impakan.

2 Kronikas 12:1

Roboam kingka lâka karna takan, bara witin ai dahra walan witin ba karna sa, bamna Gâd lâka wina tnaya ra tawan, Israel luhpia nani sut sin witin daukan baku daukan.

2 Kronikas 23:1

Mani 7 alkan ba ra war tâ uplika sut Joiadá mita paiwan, baha ba naha nani kata: Azarías, Jeroham luhpia ba, Ismael, Johanán luhpia ba, Azarías, Obed luhpia ba, Maaseías, Adaías luhpia ba, bara Elisafat, Zicrí luhpia ba, bara naha nani na yan ai aslika daknika baku takan.

2 Kronikas 25:23

Joás, Israel kingka ba, Amasías Juda kingka ba alki silak ra mangkan Bet-semes tawanka ra. Baha ningkara Jerusalem ra brih wan, bara baha kutbanka ra unta kum daukan yahpika ba 200 yar bri kata, Efraín durka wina dur wala ba kat.

2 Kronikas 26:8

Amón uplika nani sin Ozías ra ai lal mana aibapi kan, bara witin ai sturka Idsip tasbaya kat wan, ai karnika ba sin uya tara takan kata.

2 Kronikas 33:14

Naha ningkara Manasés bui Debit Tawanka ra, Guihón waupasa tani ra, kutbanka tara kum paskan, baha ba lata tani bâk daukata, baha ba tingni kum bâk lui kan, ban pliska kum Inska nani Durka wi kan ba kat, baha ningkara Ófel kaina kir kutbaia. Kutbanka ba purara pali daukan. Bara kamandanti nani mangkan tawan nani bani kutbanka paskan tâ baikaia dukiara, Juda pliska nani ra.

Sins Lâka 25:28

Tawan kaina kutbras baku sa bara pât dimaia ba sin isi sa, baku sa ya ai spiritka sip alki takaskras ba.

Jirimaya 39:4

Bara king Sedequías, suldiar nani ba sin kaikan dîa dîa taki ba, witin nani tawan ba wina taki plapan. Tihmia ra king giadinka yabalka bâk taki, tawan kutbanka wâl ba lila ra get bâk lui wan, bara Jordan ra waia il bîla yabalka ba ra aimakan.

Joel 2:8

Pana pana ai walka mina ra sin taibi platukbras; kumi bani ai yabalka bîla kat auya, trisba kauhi ba mapara, insauhkras, turwi aihka sin takras dimi wisa.

Wihta Nani 9:6

Bara 70 nani ba ikan ningkara, Siquem uplika nani Bet-miló uplika nani sin sut Siquem ra usupum dusa munhtara, witin nani walpa tara kum bri kan bahara aidrubi kan sturi aisaia, baha pliska ra witin nani aidrubi wan. Bara bahara witin nani lâ dauki, Abimélec ba ai kingka mangkan.