2 Kronikas 32:29 - DAWAN BÎLA AISKA

²⁹ Baha purkara tawan tara nani paskan, daiwan daknika wala nani sin, kan diara kukan ailal Gâd bui witin ra yan.

2 Kronikas 32:29 ပူးပေါင်းရင်းမြစ်များ

1 Kronikas 29:12

Yuyakira lâka ba bara prana ba sut lika, man wina aula sa, man karnikam mununhtara aiska brisma, man mihtam ra sa, karnika bara sip lâka ba sin, man mihtam ra sa karnika lâka bara diara sut ra karnika yaia ba.

1 Kronikas 29:28

Almuk pali taki pruan, yuyakira bara pranakira kan. Bara ai luhpia Salaman ba ai watlika ra king aimakan.

2 Kronikas 17:5

Baha mita, Dawan ai kingka lâka ba karna daukan. Juda aiska prisant nani yabi kan, bara lalah uya brin, kulkanka sin.

2 Kronikas 25:9

Amasías bui Gâd waitnika ra makabi walan: —Sakuna, ¿dîa takbia 3,300 kilo pura silbar Israel suldiar daknika ra yabri ba? Gâd waitnika ba pana witin ra win: —Dawan diara sut brisa man yaram ba pura praki maikaia.

2 Kronikas 26:10

Baha purkara upla iwras tasbaya ra tawer nani paskan, liwanhta nani sin salhkan tasba langni nani ra, waitna nani bri kan unta ra wain nasla warkka dauki kan baha ba il pliska nani ra, kan witin insla warkka dadaukra kan bamna.

2 Kronikas 32:28

Diara auhbaika nani paskan, plun nani auhbaika, wain, batana laya nani laikaia watla bara daiwan yapaika pliska nani, sîp nani watla sin.

Job 1:3

Bara witin sîp 7,000, kiamil 3,000, wark bîpka nani 500, biriku mairin 500 bri kan, alba nani sin ailal pali bri kan. Lalma tasbaya ra witin baman kau upla yuyakira kan.

Job 1:9

Sakuna dahra kwakwahkra ba pana win: —Kasakkira baku man dukiam daukisa, sakuna mana luha lika wark takras.

Job 42:12

Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

1 Samuil 2:7

Dawan bui umpira wan daukisa, yuyakira sin wan daukisa, wankan kauhisa bara wan bukisa.