2 Kronikas 32:25 - DAWAN BÎLA AISKA

²⁵ Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

2 Kronikas 32:25 ပူးပေါင်းရင်းမြစ်များ

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

2 King Nani 20:12

Baha yua nani ra king Merodac-baladán, Babilon kingka Baladán luhpia ba, witin maisa papakra nani sakan bara blikan wan wauhkataya ulbi bara diara prisantka sin, kan walan Ezequías ba siknis pruaia man sa win bamna, baha kaikaia dukiara.

2 King Nani 20:13

Bara Ezequías baha nani ra yamni brin, ningkara ai dukia kukanka watla nani ba, ai silbarka, ai gulka, diara kîa yamni nani bri ba, batana laya sin bara ai sordka watla nani, bara dîa wala nani bâra kan ba sut kumi sin swiras witin nani ra marikan Ezequías ba mita; baku sin king watla, ai tasbaya aiska ba sin marikan.

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 24:18

bara witin nani Dawan tempelka ba mahka swin, ai damika nani Gâdka kata ba, bara Aserá gâdka lilka nani ra mayunan, aidul wala nani ra sin. Naha saurka tâwan, Dawan ai kupia sauhkan Juda bara Jerusalem ra sin.

2 Kronikas 25:19

Man bila wisma Edom uplika nani ba sauhki tikram, baha wal man liliam brisma, bara mayunra ba kau plikisma. Sakuna kau yamni sa wamtla ra kama. ¿Dîa kan man bui klauna plikisma sauhki tikaia bara Juda ra sin pât dingkisma?”

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Aiseya 39:1

Baha piua ra Merodac-baladán, Baladán luhpia waitna Babilon kingka ba, walan kan Ezequías siknis ba, sakuna pat sin rawan kan ai sikniska wina, bara wauhkataya twatwilkra tila aikuki wauhkataya ulban, bara prisantka blikan.

Aiseya 39:2

Ezequías witin nani wal lilia takan, bara witin ai watla ra ai dukia kukanka nani ba baha nani ra marikan, silbar, gul, diara sâtka wala nani sut, bara batana manakira nani sin, war aiklabaia dukia nani kukanka bâra kan ba; ai watla bîla aiska ra diara nani bâra kan ba king tasbaya ra kan ba sin sut pali marikan baha nani ra. Ezequías witin nani ra diara marikras kan dukia ba kumi sin swiras kan.

Isikiel 28:17

Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Daniel 11:12

Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

1 Timoti 3:6

Bamna, tâ bri uplika ba, bisi pali Dawan ra tawan uplika kaia apia sa, witin ai wîna ba tara puli dibil pât ra lulkan ba baku witin ra sin lulkbiara sîa.