2 Kronikas 32:23 - DAWAN BÎLA AISKA

²³ Baku bamna, upla ailal ai prisantka nani Jerusalem ra brih wan Dawan ra yabaia, diara mana tara dukia nani Ezequías, Juda kingka ra sin prisant yan. Baha piua wina witin ai nina ba tara kulkan nisan nani wala mawanra.

2 Kronikas 32:23 ပူးပေါင်းရင်းမြစ်များ

1 King Nani 10:10

Bara kwin ba mita king ra yan gul 5 ton bahmuna, isint kîa painkira bara diara sâtka ailal pali, walpa manakira nani, kau aima kumi sin baku isint nani briras kata, Sabá kwinka bui Salaman ra yan ba.

1 King Nani 10:25

Bara witin nani sut wina mani bani diara nani, silbar, gul, prâk nani, aiklabaia dukia nani, kîa painkira nani, aras bara muyul nani sin bri sal ai prisantka yabi kan.

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

2 King Nani 19:30

Bara ya nani pruras swakwan nani ba, Juda ra inta wahia baku pâwi kabia, ai wakia nani sâkbia bara ai mâ ailal sin sâkbia.

1 Kronikas 29:25

Bamna Dawan bui Israel luhpia nani mawanra, Salaman ba tara pali bukan kata, ai kingka lâka prana ba, witin ai kainara kau king wala nani ba briras kata.

2 Kronikas 1:1

Salaman, Debit luhpia ba, Dawan wina tâ baikanka brin, witin ai kingka lâka ba karna bri kaia dukiara, bara ai karnika ba tara pali takan kata.

2 Kronikas 17:11

Ban sakuna, kau ni filisteo nani kum kum ba prisant nani blikan, silbar ai lal mana Josafat ra bara Arabia uplika nani lika 7,700 sîp, guts nani sin 7,700 brih wan.

2 Kronikas 17:5

Baha mita, Dawan ai kingka lâka ba karna daukan. Juda aiska prisant nani yabi kan, bara lalah uya brin, kulkanka sin.

2 Kronikas 9:24

Bara witin nani sut wina mani bani silbar, prâk nani, aiklabaia dukia nani, diara kîa pain nani, aras nani bara muyul nani ai prisantka bri si yabi kan.

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Lawana Nani 68:29

Jerusalem, man tempelkam purara ba wina, king nani ai prisantka brih aula,

Lawana Nani 72:10

¡Prisant nani bara lal mana nani bri balbia, Tarsis kingka nani, kî dakura kingka nani wina, Sabá bara Sebá kingka nani sin!

Lawana Nani 76:11

Bamna man nani, Dawan Gâd ra pramis dauks, sakuna aisisma ba kat dauks. Man nani, sîa yabaia aitani sma bara kutbi bri banhwisma ba, ¡prisantka nani bri sal yas!

Matiu 2:11

Witin nani utla bilara diman ba ra, tukta ba ai yaptika Meri wal kan kaikan. Bara tukta ba mawanra ai lula kriki, mayunan. Bara ai lalahka watla nani ba bukutbi, gul, dus mâka bara sîka mâka kîa painkira sin tuktika lupia ra prisant yan.