2 Kronikas 32:22 - DAWAN BÎLA AISKA

²² Baku natka ra, Dawan bui Ezequías swaki sakan, Jerusalem uplika nani sin swaki sakan Asiria kingka Senaquerib karnika wina, wala nani karnika ba wina sin, bara ai lamara iwi uplika nani aikuki kupia kumi lâka dauki yan.

2 Kronikas 32:22 ပူးပေါင်းရင်းမြစ်များ

2 King Nani 19:30

Bara ya nani pruras swakwan nani ba, Juda ra inta wahia baku pâwi kabia, ai wakia nani sâkbia bara ai mâ ailal sin sâkbia.

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Lawana Nani 144:10

Pura luaia ba, man mita king nani ra yabisma; man sika napakankam Debit pât wina dakbi sakram ba,

Lawana Nani 48:14

Wan Dawanka ba baku sa, ban kaia ra ban kabia. ¡Witin ba wan tâ brabrira ban kabia, ban kaia ra!

Lawana Nani 73:24

man sins lâka mairiki, ai brih taipahkram naha diara sut lubiara, man kulkanka aikma.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Oseas 1:7

Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Jan 16:13

Kasak tânka Spiritka balbia ba ra, witin mita mai smalkbia diara pali ba tânka. Witin ai brinka ba kat aisabia apia, sakuna dîa witin walbia ba baha aisabia, bara dîa dîa naika takaia ba sut mai wibia.

2 Tesalonaika 3:5

Dawan mita tâm baikbia latwan kaikaia, Gâd latwan kaiki baku, bara Kraist bapi buanka lâka bri kaia pât wahwanka ra.

1 Samuil 14:23

War ba aiklabi ban Bet-avén kat wan, bara naha piua ra Dawan bui Israel luhpia nani ba swaki sakan.