2 Kronikas 32:21 - DAWAN BÎLA AISKA

²¹ Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

2 Kronikas 32:21 ပူးပေါင်းရင်းမြစ်များ

2 Samuil 24:16

Insal ba bui Jerusalem ba âpu pali daukaia takan bara Dawan kupia wirha takan, witin insal ra adar yan baku, rausauhkanka tara daukan ba, bamna insal ra win: “¡Aitani, baha kat takasks, tawan ba kau klala yapara!” Dawan insalka ba, Arauna, Jebús uplika nani wi ba, plawar mâ taya sakaika watla ba kat bâra kan.

2 King Nani 19:20

Bara Aiseya mita Ezequías ra ai bîla bliki win: “Dawan Israel Gâdka ba naku wisa: ‘Senaquerib Asiria kingka dukiara yang ra makabram ba, walri sa.’ ’’

2 Kronikas 32:20

Baha trabilka takan ba ra, king Ezequías bara prapit Aiseya, Emus luhpia ba wal, Dawan kasbrika purara ba ra ai pura sunan.

2 Kronikas 32:22

Baku natka ra, Dawan bui Ezequías swaki sakan, Jerusalem uplika nani sin swaki sakan Asiria kingka Senaquerib karnika wina, wala nani karnika ba wina sin, bara ai lamara iwi uplika nani aikuki kupia kumi lâka dauki yan.

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 132:18

Ai waihla nani ba swira lâka ni banhki daukamna, sakuna witin ra lika ai prana tara wal ingni daukamna.”

Lawana Nani 18:50

Man bui bâk saki mangkram kingka ba ra, pura lalura tara kaia daukisma; piua bani Debit ra latwan lâka ni marikisma, baku sin ai kiamka nani sut ra.

Lawana Nani 44:15

Yu aiska yang maiwan swiri paskisa, bahki ai kulkan lâka, swira ni maiwan bikan sa;

Lawana Nani 76:12

Witin bui sika tasba wihtka nani rayaka saki ba, baku mika tasba aiska kingka nani ra sibrin yabisa.

Lawana Nani 76:5

Kupia karnira nani ba saki lulkram; kau karna nani ba, diara sip dauki banhras; ¡kan witin nani ba sut mahka yapi banhwan!

Lawana Nani 76:6

War wagin bara araska nani sin yan aiawi banhras sa, man, Jekob Gâdka, witin ra saura munisma ba ra.

Lawana Nani 76:7

¡Man ra upla sut si brisa! ¿Ya sip sa man mamwanra bûi kaia man kupiam sauhkisma bara?

Sins Lâka 11:2

Praut lâka briaia ba, kulkras lâka nani bukisa; sins lâka lika umpira bawikira nani wal sa.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Aiseya 10:8

Aisisa: ‘King nani sut ba, yang adarki ra wihta aimakisa.

Aiseya 14:25

Asiria ba sauhki tikamna yang tasbayi ra, yang ilki nani ra ba mini ra taibamni; upla ra wirhika kahban dusa ba sakamna, wirhika nani upla pahpaya ra ba sin sakan kabia.

Aiseya 36:9

Nahki muni man aiklaklabra wihtka kum mapara buisma, man sip apia sma wihtki tara albika kau sirpi bara munrika plapaia, ¿bara ban sin lukisma, Idsip araska nani ba bara uplika nani ba sut briaia?

Aiseya 37:21

Bara Aiseya, Emus luhpia ba mita, Ezequías ra ai bîla bliki win: “Dawan Israel Gâdka ba, naku wisa: ‘Man Senaquerib Asiria kingka dukiara yang ra makabram ba yang walri.’ ”

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.