2 Kronikas 32:12 - DAWAN BÎLA AISKA

¹² ¿Ezequías pura sunaia pliska nani sut prakan apia ki, altar nani ba bara sin adar yaban Juda bara Jerusalem uplika sut, sakripais daukan sîka mâka wal altar kum ra?

2 Kronikas 32:12 ပူးပေါင်းရင်းမြစ်များ

1 King Nani 7:48

Bamna Salaman Dawan watla aiska paskan wina, diara nani kau bâra kan ba ni daukan gul altarka kum, Dawan yamni munan britka kahbaika tibilka kum sin gul ni daukan.

2 King Nani 18:22

Bara baku sin man nani bui yang ra ai wima kaka: Yang nani Dawan wan Gâdka ra kasak lukisna, yang kasak pali tânka brisna naha waitnika sika kiuhsi pura nani ra prias watla nani sauhki tikan ba, Ezequías apia. Bara sin Juda bara Jerusalem uplika nani ra adar yan, Jerusalem altarka ra baman mayunaia ba.

2 King Nani 18:4

Witin mita sika gâd bahki nani dukia tempel ra paskan kan ba sut sakan, bara sin ai gâdka bahki nani ra yaia walpa ni paskan kan ba sin sut sauhki tikan, bara Aserá lilka paskan nani bâra kan ba sin sut klakan, bara bras piutka Moses bui daukan kata ba sin kriki pîs ra yakabata, kan Israel luhpia nani ba baha yua kat sin ban dus kîa nani angki yabi kan, bara sin ai nina ba Nehustán mâkan.

2 Kronikas 30:14

Altar nani kîa yamni angkaia pliska Jerusalem ra paskan kata ba sut saki Cedrón tingnika ra lulkan.

2 Kronikas 31:1

Baha sut dauki luan ba ra, Israel luhpia nani bâra kata ba sut Juda tawanka nani ra wan, bara walpa ni lilka nani dauki bri kata ba sut kriki tikan, Aserá lilka nani ba krikan, idan gâd bahki holi pliska kata ba sin, baha dukia nani Juda ra bara Benjamín ra sin sut âpu daukan, baku sin Efraín ra bara Manasés ra kata ba, baha ningkara Israel luhpia nani kumi bani ai tawanka ra kli tawi wan.

2 Kronikas 32:11

Ezequías man nani ra mai wisa kaka Dawan Gâd bui swaki mai sâkbia yang mihti wina, witin kunin mai munisa; bara man nani naika plun bla bara diran bla prui banhma.

2 Kronikas 33:17

Ban sakuna, upla nani ba ban aidul ra tempel ra sakripais dauki ai pura suni kan, ai Dawan Gâd ra mayunra yabi kan sakuna.

2 Kronikas 4:1

Baha purkara altar kum bras ni daukan, 30 pît bîla yahpika, 10 pît yarika, 15 pît pura tani.

Aiseya 36:7

Bara baku ai wima kaka: Yang nani kasak lukisna Dawan wan Gâdka ra, Ezequías mita daukan baha altarka nani pliska purara kan ba, munan altarka nani ba sakan, bara Juda Jerusalem ra win: Naha altarka na mawanra baman man nani maiyunma.