2 Kronikas 31:5 - DAWAN BÎLA AISKA

⁵ Lâka ba mahka param takan ba ra, Israel luhpia nani diara ailal brin ba wina yan: wain, batana laya, nasma bara diara sâtka sut mangkan pâwan ba wina sin. Baku sin, matawalsip wina kum ba brih balan mâ sât bani sakan ba wina.

2 Kronikas 31:5 ပူးပေါင်းရင်းမြစ်များ

Nihimaya 12:44

Baha piua ra tila upla nani ba nina mâki bâk sakan kan, yuyaka nani auhbi swiaia watla, tempel ra bâra ba, plun mâ disang nani tâura sakan ba, matawalsip mânka nani bri bal ba pura kaikaia dukiara, waitna nani bâk sakan. Tawan uplika nani ai nasla wina plun saki bri balan nani ba baha plun watla ra auhbi kan, lâ ra ulban ba kat dauki kan, prîs bara Libait nani dukia. Juda uplika nani ai nasla wina bri bal kan, witin nani prîs bara Libait nani warkka dauki ba, ai âuyapah kan ba mita.

Nihimaya 13:12

Bara Juda uplika nani sut, diara auhbaia watla nani ra, plawar wina, wain bara batana laya wina matawalsip mânka ba saki bri balan.

Nihimaya 13:31

bara pauta nani ai yua kat yabaia ba, dus wina mâ pas nani ba sin. ¡Yang Gâdki, yang ra luki bas bara yamnikam aik!

Impakan Sturka 22:29

“Wain mâ nani, insla pata nani sut sakisma ba wina, yang ra prisantka sal aikaia ba wina, tumi takaski kapara. “Luhpiam waitna tawahkia ba sin,

Impakan Sturka 23:19

“Patam mâ tawahkia kanra yamni nani ba, Dawan tempelka watla ra brih waia sma. “Guts lupia ba, ai yaptika tialka laya ra mangki piakpara.

Impakan Sturka 34:22

“Wik nani liliaka ba dauki banhs, plawar mâ tawahkia nani dâkaia ba, mani tnata ra insla dâkan yua ba sin.

Impakan Sturka 34:26

“Man nani plun mangkram ba wina tawahkia mâ kau pain ba, Dawan Gâdkam watla ra brih waia sma. “Guts lupia nani ba, yaptika tialka laya ra piaki banhpara.”

Impakan Sturka 35:5

Man nani tilamra Dawan ra yabaia prisant kum dauks, ya baha yabaia luki ba ai kupia aiska ni brih balbia; gul, silbar, bras,

Sins Lâka 3:9

Dawan ra kulkanka yas man yuyakam nani ba wal, dusam mâ tawahkia nani sut ba wal sin.

Libait Lâka 27:30

“Tasba wina plun mâ nani sâkma ba, dus mâ nani sut ba Dawan dukia bamna 10 bani ba wina kumi ba, Dawan ra yama, baha kumika ba bâk sakan witin ai dukia.

Kulki Kaikanka 18:12

Baku sin yang maikisna, Israel luhpia nani mani bani mâ tawahkia sal aiki ba, batana kau pain aiki ba, wain kau pain ba bara plawar mâ kau pain nani aiki ba sin.

Kulki Kaikanka 18:13

Baku sin insla mâ tawahkia nani wina yang ra aikaia brih aula ba sin, man ra maikisna. Ya ya man wamtla ra ba sunu sa kaka, witin sin sip sa baha piaia.

Kulki Kaikanka 18:8

Dawan bui Eran ra win: “Upla nani ai prisantka aikaia ba mihtam ra swiri sa. Israel luhpia nani diara sut yang ra aikaia aihka saki ba, man ra maikisna, luhpiam nani ra sin. Baha ba man nani briaia kulkan sa; naha lâka na baku kulki ban kabia.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

Jems 1:18

Sturi kasakkira bâk rayaka wankan sa, diara nani sut paskan ba tilara, yawan pas tâura kaia dukiara; kan witin baku pali want sa bamna.

Param Marikanka 14:4

Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.