2 Kronikas 31:21 - DAWAN BÎLA AISKA

²¹ Diara nani sut Dawan tempelka dukiara wark daukan ba, bara lâka nani ba sin, naha daukan sut ba ai kupia aiska Dawan lâka pliki daukan; baha mita dîa daukan sut ba yamni takan.

2 Kronikas 31:21 ပူးပေါင်းရင်းမြစ်များ

1 King Nani 2:4

Baku mika Dawan ai win bîla ba kat daukbia, witin bui yang ra ai win ba: ‘Man luhpiam nani yabalki ba alki bribia kaka, ai kupia aiska bara ai sulka aiska ni, baku ba ra taiya nani tilara diara luha kabia apia, Israel man iwaikam ra iwi kabia.’

2 King Nani 18:7

Ba mita Dawan ba witin wal kan, bara anira taki auya piua ra pura luanka lâka ba Dawan bui witin ra yabi kan. Ezequías lika Asiria kingka mapara buan, baku sin witin dukia daukaia apia win.

1 Kronikas 22:13

Diara sut mampa ra yamni kabia, Dawan bui Moses ra, Israel luhpia nani dukiara lâ nani yan ba aiska alki brima kaka, bamna kupiam karna brih pain bapi bûi bas, bara swapni taki si bripara.

1 Kronikas 22:19

Bamna nanara, Dawan wan Gâd ba wal prawaia wilin pali taki banhs. Baku bamna, watla ba paski banhs bahara lâ nani ba swiaia, Dawan lâka auhbaia watla daukan ba bakska ba, bara dîa dîa dukia wala nani sunu kulkan ba, Dawan watla raya paskaia wisna ba ra bri si swibia.”

2 Kronikas 14:6

Baha piua nani sut brin ba, kupia yamni lâka bâra kan, aiklabaia lâka âpu kan upla wal, kan Dawan bui kupia kumi lâka yaban kan bamna. Baha pali piua ra Asá ba Juda ra tawan nani paskan, kaina sunaika nani sin.

2 Kronikas 14:7

Juda uplika nani ra win: “Kaisa tawan nani na paskaia, kutbanka nani sin paskaia, tawer nani, getka nani bara ayan nani ba sin, kuntrika na kau yawan wan karnika ra bri na piua ra. Kan yawan sika Dawan wan Gâdka ra plikan, witin sika yawan ra kupia kumi lâka wankan ba wan uplika nani wan lamara iwi nani ba aikuki.” Bara baku witin nani baha dukia nani ba sut pain paskan.

2 Kronikas 20:26

Yu walhwal luan ningkara, Beracá twiya langnika ra asla taki banhwan, bara bahara witin nani Dawan ra yamni win. Baha mita pliska ba nina mâkan Beracá twi langnika, bara naiwa kat baha nina ba kau mâkisa.

2 Kronikas 26:5

Trai munan Dawan lâka daukaia Sakaraya raya kata ba ra, kan witin bui smalkan Dawan ra kulkaia ba. Bara Dawan ra luki kan ba ra pâwanka nani manis brin kata.

Lawana Nani 119:2

Lilia pali sa, baha nani ai lâka bîla nani yamni bri ba, bara ai kupia aiska witin ra pliki ba,

Sins Lâka 3:10

Baku lika aibanhbia pura lui kira, patam watla bara wainkam auhbaia watla nani ba sin.

Sins Lâka 3:9

Dawan ra kulkanka yas man yuyakam nani ba wal, dusam mâ tawahkia nani sut ba wal sin.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Jirimaya 29:13

Man nani ai plikma bara ai sâkma, kan man nani kupiam aiska ni ai plikisma bamna.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Kli Smalkanka 10:12

“Nanara, Israel luhpia nani, ¿Dawan Gâdkam man nani wina dîa makabisa? Ai bîla wali ai yabalka nani sut nina blîkma baman, kupiam aiska kira, sulkam aiska kira latwan kaiki mayuns,

Kli Smalkanka 29:9

Baha mita, naha lâka aisin na daukaia man nani alki bri trai kaiks, bara diara sut dauki kama piua ra yamni baman kabia dukiara.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.