2 Kronikas 31:18 - DAWAN BÎLA AISKA

¹⁸ Nina ulbaia wauhtaika ra ulban tuktan waitna lupia sut, maya mairin nani, luhpia waitna nani bara luhpia mairin nani, wiaia kaka tawan aiska, baha kasak luki daukan ai mihta ra yan ba, bara Dawan ra yaia sakan ba.

2 Kronikas 31:18 ပူးပေါင်းရင်းမြစ်များ

1 Kronikas 9:22

Dur aihwawakra nani ba wahbi sakan kan sut ba ra 212 waitna nani kan, tawan ra upla bâra iwi ba nina mangki bri ba tânka kat. Debit bara prapit Samuil wal bui sika naha warkka ra mangkan ba, kan witin nani ra kasak lukaia uplika nani kan bamna.

2 Kronikas 31:15

Prîs nani tawanka nani ra Coré ra hilp pain yaban, baku sin Eden, Minjamín, Jisas, Semaías, Amarías bara Secanías, ai uplika nani ra plun yaia kan ba yan, ai uplika bani ra sin, ai piua kat dîa daukaia yan ba kat daukan, almuk bara tuktan nani sin.

2 Kronikas 31:17

Prîs nani ba utla dawanka bani ra nina mangkan, bara Libait nani lika mani yawanaiska kum wina ai purara nina ba mangkan kata, ai warkka bara ai piua kat.

2 Kronikas 31:19

Tawan bani ra upla nani mangkan baha pata ba yuaia, waitna bani prîs nani Eran kiamka ba wina bara Libait nani wina nina ulban ba, baha twi tasbaya nani ra iwi kan ba prîs nani tawanka nani ra.

Aiseya 5:16

Karnika sut bri Dawanka ba, lâ dauki bara ai karnika tara ba tânka marikbia; Gâd holikira ba, witin kasak kat lâ dauki ai holika ba marikbia.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.