2 Kronikas 30:6 - DAWAN BÎLA AISKA

⁶ Baku bamna, maisa papakra nani blikan wan Israel bara Juda aiska ra, king wina bara king warkka tâ uplika nani ba wina wauhtaya nani wal, king adar yan ba upla nani ra wibia dukiara: “Israel luhpia nani, Ebraham, Aisak bara Israel Dawan Gâdka ra taws, bara witin sin man nani ra tawbia, upla kulki Asiria kingka mihta wina swak takan ba.

2 Kronikas 30:6 ပူးပေါင်းရင်းမြစ်များ

1 King Nani 18:36

Mahka wîna aiska angkaia piua aimakan ba ra, prapit Ilayas bui altar ba lamara balan bara win: “Ebraham, Aisak bara Jekob Dawan Gâdka, naiwa yua latan mariks man ba Israel Gâdka sma ba, bara yang na man dukiam dadaukra sna ba sin, man ai wiram ba mita yang naha diara nani sut na daukisna.

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

1 Kronikas 29:18

Dawan, almukki nani Ebraham, Aisak bara Israel Gâdka, naha man uplikam nani ai kupia wilinkira lâka bri ba ban kaia ra bris, bara yarka ai kupia ba man kat wapi kabia.

1 Kronikas 5:26

Baha ba tâwan Israel Dawanka ba bui Pul ra kupia tuskan, witinka lika Asiria kingka, wibia sa kaka, Tiglat-piléser ra, witin bui Ruben bara Gad uplika nani ra bara baku sin Manasés kiamka bakriki kan ba sut alki brih wan ba: bara Halah, Habor, Hará bara Gozán awalka ba kat baha nani brih wan, bamna bahara banhwisa naiwa yua ba kat.

2 Kronikas 28:20

Tiglat-piléser, Asiria kingka ba, Ahaz mapara wan, bara tâ baikaia watlika ra, kau ni pât dingkan.

Ester 3:13

Bara wauhtaya nani ailal blikan wan wauhtaya twatwilkra nani ba wal, king tasbaya nani aiska ra, Ju nani almuk tuktan, mairin bara wahma nani ba sut iki tikaia bara diara bri ba sut witin nani dawanka takbia. Baha yua mangkan ba lika, kati 12, yua 13 ra kabia.

Ester 8:14

Bara wauhkataya ba brih wan aras plaplapra nani ba wal, king adarka ba kat aihni muni brih waia sa bamna. Naha lâka na Susa kan kahbaika pliska ra sin yan walan, king adarka ba.

Job 9:25

Yui nani ba karna plapisa, tasba ra lilia tânka ba kaikras pali.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 29:1

King Jeconías, ai yapti kwin ba, ai albika nani king watla ra bri kan ba, Juda Jerusalem wihtka nani dus ni diara papaskra kan ba, kî papaskra nani sut ba tasba wala ra wan ba ningkara, prapit Jirimaya Jerusalem wina wauhtaya kum ulbi baha uplika almuk nani ra blikan. Baku sin, prîs nani ra, prapit nani ra bara Nabucodonosor ra sin upla nani Jerusalem wina Babilon ra brih wan nani sut ra sin blikan.

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 4:1

Dawan kasak aisisa: “Israel, man kli tawi balaia sma kaka, yang ra sika kli tawi balaia sma. Lilka bahki nani brisma ba misbara kaikisna bara yang wina tnaya ra tawpara,

Jirimaya 51:31

Upla kum kli upla wala witin nani plapi bal Babilon kingka ra win, tawanka tara ba pat pura luan sa.

Inanka Nani 3:40

Kaisa wan daukanka nani ba kli laki kaikaia, bara Dawan ra kli tawi waia.

Inanka Nani 5:21

¡Man ra tawaia wan muns, Dawan, bara yang nani lika man ra tawamna! ¡Rayaki ba kli raya dauks, patitara yua nani kata ba baku!

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Sakaraya 1:3

Bahamna nanara, yang bîli na upla nani ra wis: ‘Yang ra kli tawi bal, bara yang sin man nani ra tawamna. Yang, Dawan, kasak aisisna.

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!