2 Kronikas 30:5 - DAWAN BÎLA AISKA

⁵ witin nani daukaia lukan bara Israel aiska ulbi maisa pakan, Beerseba wina Dan kat, paiwanka daukan ba Jerusalem ra wabia, Dawan Israel Gâdka ra Insal luan Yua Liliaka ba daukaia. Kan tâura upla ailal wal daukras kan, dîa Dawan lâka ra ulban ba kat.

2 Kronikas 30:5 ပူးပေါင်းရင်းမြစ်များ

Blasi Sturka 21:14

Bara Ebraham baha yua wala titan pali ra buan, bamna plun bara lî sin brin sîp taya batilka ra, bara Agar ra yaban ai pahpaya ra sunan, bara tukta Ismael ba sin witin mihta ra yaban lakula dauki, bara witin nani taki wan, Beerseba upla iwras tasbaya ra. Anira auya ba ai tânka briras aimawahki tauki kan.

2 Kronikas 24:9

Baha ningkara Juda bara Jerusalem aiska ra maisa pakan, Dawan watla ra brih balaia, Dawan napakanka Moses upla iwras tasbaya ra ai prisantka yaban kata baku.

2 Kronikas 30:4

Bara king bui witin ra bara tawan uplika nani sut lâka ba aitani kaikan bamna,

2 Kronikas 35:18

Israel ra naha Insal luan Yua Liliaka sâtka kumi sin daukras kan, prapit Samuil piua ba wina; Israel ra king kumi daukras kan, Josías daukan ba baku prîs nani wal, Libait nani, Juda bara Israel luhpia nani wal, baku sin, Jerusalem uplika nani wal.

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Daniel 6:8

Baku bamna, king tara, naha lâka na aitani kulki ninam uls, naha lâka na slingban kabia apia dukiara. Media bara Persia wal lâka ba kat dauks, lâka na krikan kabia apia dukiara.

Libait Lâka 23:2

“Israel luhpia nani ra naku wis: Naha yua nani piua mangki maikuna na, Dawan ra baman mayunaia yua sa, man nani baha yua nani ba holikira kulki kama.

Libait Lâka 23:4

“Naha yua nani ra piua ba kat asla aidrubi lilia dauki kama, Dawan nina holi kulki kaia.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

Wihta Nani 20:1

Benjamín kiamka luhpia nani baha sturka ba walan ba ra, witin nani sin Dan tasbaya wina Beerseba tasbaya kat bara Galaad tasbaya sin sut Dawan mawanra, Mispá ra asla takan war aiklabaia.