2 Kronikas 30:27 - DAWAN BÎLA AISKA

²⁷ Baha ningkara prîs nani bara Libait nani ba ai mina ra bûi, upla nani ra yamni munan; bara Dawan baha walan, bara ai pura sunra ba kasbrika purara Gâd holikira iwi ba kat walan.

2 Kronikas 30:27 ပူးပေါင်းရင်းမြစ်များ

1 King Nani 8:30

Baku bamna, albikam pura sunra ba walma, bara uplikam Israel luhpia nani sin, naha watla ra bal ai pura suni ba walma. Man iwaikam kasbrika purara pali ba wina wali kama, pâtka ba sin ban swih tikma.

1 King Nani 8:39

kasbrika purara iwisma pali ba wina wali kama, bara pâtka ba ban swih tikma. Ningkara man mahka dîa daukaia lukma ba daukma, kumi bani ra ai daukanka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

2 Kronikas 23:18

Baha ningkara Joiadá bui Dawan tempelka ra main kakaira nani mangkan, bara prîs nani bara Libait nani adarka munhtara mangkan, baha nani ra Debit bui Moses lâka ra ulban ba baku mangkan ba Dawan warkka daukaia dukiara, baku ba ra piua nani sin kulki saki yan, Dawan ra sakripaiska nani dauki yabaia, witin nani sin lilia aiwani kaia, dîa Debit win ba kat.

2 Kronikas 6:21

Baku bamna, albikam pura sunra ba walma, bara uplikam Israel luhpia nani naha watla ra bal ai pura suni ba sin; man iwaikam kasbrika purara pali ba wina wali kama, pâtka ba sin ban swih tikma.

Lawana Nani 68:5

Gâd ai tempelka holi ra iwi ba, witin sika rau nani aisika ba, bara sin piarka nani ra tâ babaikra ba;

Impakan Sturka 39:43

bara Moses mita kaikan warkka nani sut ba. Bara kaiks, Dawan dîa daukbia wisi win ba baku daukan kata. Bara witin nani ra yamni munan.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jona 2:7

Daira walri bara pat prui kapri ba ra, Dawan, man ra kupi tanh krawan; bara puri sunra ba man kat ulan, tempelkam watla holikira ba kat.

Apastil Nani Sturka 10:4

Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

Kli Smalkanka 10:8

Baha piua wina, Dawan mita Libai kiamka ra bâk sakan Dawan lâka auhbaia watla ba brih waia, bara witin ai mawanra kaia mayuni ai nina ra yamni wiaia dukiara, naiwa yua kat ban dauki ba baku.

Kli Smalkanka 26:15

Kasbrika pura wina, man pliskam holikira wan kaiks, bara Israel man uplikam ba, tasbaya man wankram ba ra sin yamni muns, tialka laya bara nasma wal lî baku aubi ba, wan damika nani ra pramis munram ba baku.’