2 Kronikas 30:22 - DAWAN BÎLA AISKA

²² Ezequías bui Libait nani sut ra yamni win ai kupia wilinkira Dawan warkka ra hilp munan bamna. Bara baha pata tara yua 7 sin luan ba ningkara, kli ai uplika takaia dukiara daukan bara Dawan ra mayunan ba, ai damika nani Dawanka ra.

2 Kronikas 30:22 ပူးပေါင်းရင်းမြစ်များ

Blasi Sturka 50:21

Bamna nanara man nani si bripara, man nani sut, luhpiam nani sut sin ban plun maiki kamna. Baku Josep latwan lâka ni ai muihni nani maisa nihki kupia lilia daukan.

2 Kronikas 15:3

Israel ba piu wihka pali kan Gâd kasakkira ba wina laihura kan, prîs nani âpu, Dawan yabalka smalkanka marikaia sin âpu.

2 Kronikas 17:9

Baha nani blikan wan kata Dawan lâ wauhkataya bri ba wal, Juda uplika nani ra smalkbia dukiara. Bara witin nani Juda tawanka nani aiska ra tauki banhwan.

2 Kronikas 32:6

Baha ningkara suldiar wihtka nani upla kainara war tâura aimakaia nani mangkan bara upla sut asla daukan, plis langni ra tawan dimaia durka lamara, bara witin nani ra tâ baiki karnika yabi aisin:

2 Kronikas 35:3

Baha purkara sin Libait nani ra win, witin nani ba Israel luhpia nani sut smasmalkrika nani sa, bara ai wîna ba Dawan ra holi sa, bara naha lâka nani yan: “Lâ auhbaia watla ba ark holikira Salaman, Debit luhpia Israel kingka paskan ba ra bri si, tempel ra swis. Nanara wina lâ auhbaia watla ba kli man nani pamhpaya ra twilkma apia. Nanara mahka Dawan Gâdkam dukia dauki banhs, bara sin Israel ra, kan Dawan uplika nani sa bamna.

Esdras 10:11

Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.

Esdras 7:10

Esdras ba ai kupia aiska kira pali Dawan lâka ba laki kaiki, lâka tânka nani ba briaia plikan, Dawan lâka ba yaka upla sut daukaia, bara Israel luhpia nani ra sin ai lâka nani ba smalkaia, baku sin lâ wala ulban nani ba.

Esdras 7:25

“Bara man, Esdras, Gâdkam ai sinska lâka dîa man ra maikan ba kat, tawan ra wihta sirpi nani bara wihta tara nani sin mangks, sins lâka wal Éufrates awala muna tani ra upla nani ba sut pura kaiki kabia, baha nani sut man Gâdkam lâka kakaira nani ba, bara tânka briras nani ba sin sut man bui witin nani ra smalki mariks.

Esdras 8:18

Gâd ra tingki, witin mita Serebías ba bri sal wankan, waitna sip pali ba, Libait kum nina Mahli, baha kiamka, bara Serebías luhpia waitna nani, baku sin muihnika nani sin brih balan, sut ba ra 18 upla nani kata.

Nihimaya 8:18

Bamna witin nani yu 7 baha yua liliaka ba dauki kan; bara yua pas ba wina Esdras yu bani Gâd lâka ulban ba wina wiria aisi kaiki kan, bara yu 8 aimakan ba ra upla asla takan, baha liliaka tara ba daukaia dukiara lâ ra ulban ba kat daukaia.

Nihimaya 9:3

Sut pali ai pliska kat bûi kan awar yumhpa, bara Dawan ai Gâdka lâka wauhkataya ba aisi kaiki banhwan, bara awar yumhpa wala ba lika ai saurka nani dahra saki Dawan ra mayuni banhwi kan.

Sins Lâka 8:6

Yang dîa aisaisna ba wals diara nani tânka tara bri ba bara kasak nani aisaisna ba,

Oseas 2:14

“Yang bui witin ra laik takaisna: twi langnika tasbaya ra bri si, ai kupia kat aisamna.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Kli Smalkanka 33:10

Jekob ra bara Israel ra man lâmka bara adarkam nani ni smalks; man altarkam ra bara Dawan lamara, witin kaiki ba ra sîka mâka kîa yamni, daiwan angkan sin sakripaiska daukisa.

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.