2 Kronikas 30:14 - DAWAN BÎLA AISKA

¹⁴ Altar nani kîa yamni angkaia pliska Jerusalem ra paskan kata ba sut saki Cedrón tingnika ra lulkan.

2 Kronikas 30:14 ပူးပေါင်းရင်းမြစ်များ

2 Samuil 15:23

Upla sut sari pali inan, witin nani sut Cedrón tingnika bâk luan; ningkara king ba sin luan, bara upla sut witin tâura wapan, upla iwras tasbaya bâk.

2 King Nani 18:22

Bara baku sin man nani bui yang ra ai wima kaka: Yang nani Dawan wan Gâdka ra kasak lukisna, yang kasak pali tânka brisna naha waitnika sika kiuhsi pura nani ra prias watla nani sauhki tikan ba, Ezequías apia. Bara sin Juda bara Jerusalem uplika nani ra adar yan, Jerusalem altarka ra baman mayunaia ba.

2 Kronikas 15:16

Baha purkara, king Asá bui kwin yapti lâka wina sakan Maacá ra, ai kukika ba, Aserá lilka kum paskan ba tâwan. Baha lilka kata ba Asá bui baiki sauhki tikan, bara angkan luan Cedrón tingnika ra.

2 Kronikas 28:24

Dawan tempelka yus muni dukia nani sut ba Ahaz mita sut sauhki tikan, bara tempel sin praki swin, bara blikan wan aidul nani ra pura sunaia pliska nani paskaia Jerusalem ra.

2 Kronikas 29:16

Baha ningkara prîs nani ba tempel ra diman sunu daukaia dukiara, tâski dukia nani sut ba latara saki swin tempel bilara kan nani ba, bara Libait nani bui Cedrón tingni ba ra brih wan.

2 Kronikas 32:12

¿Ezequías pura sunaia pliska nani sut prakan apia ki, altar nani ba bara sin adar yaban Juda bara Jerusalem uplika sut, sakripais daukan sîka mâka wal altar kum ra?

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

2 Kronikas 34:4

Josías kaiki kan witin nani Baal altarka nani lilka nani sât sât daukan ba sut sauhkan. Baha purkara, Josías sin blikan wan pura pliska nani ra kîa yamni angki kan altarka nani ba sin slingbaia. Bara Aserá lilka nani ba sin kriki yuya sirpi baman daukaia blikan, aidul nani ba, lilka paskan dukia nani ba baha nani sut ba yuya baman daukan.

2 Kronikas 34:7

Altar nani ba batakan, Aserá lilka bara aidul nani ba sut yamhpus baman daukan, bara sîka mâka kîa angki dauki tibilka nani sut sauhkan Israel tasbaya aiska ra. Ba ningkara kli Jerusalem ra balan.

Aiseya 36:7

Bara baku ai wima kaka: Yang nani kasak lukisna Dawan wan Gâdka ra, Ezequías mita daukan baha altarka nani pliska purara kan ba, munan altarka nani ba sakan, bara Juda Jerusalem ra win: Naha altarka na mawanra baman man nani maiyunma.

Jan 18:1

Jisas ai pura sunan ba ningkara, witin ai disaipilka nani aikuki Cedrón tingnika baila wala ra wan. Bahara giadin kum bâra kan, bara Jisas ai disaipilka nani wal bahara diman.