2 Kronikas 30:13 - DAWAN BÎLA AISKA

¹³ Baku bamna, upla ailal pali asla takan Jerusalem ra kati kum ningkara, brit îs âpu daukan yua ba dukiara.

2 Kronikas 30:13 ပူးပေါင်းရင်းမြစ်များ

2 King Nani 23:22

Naha Insal luan Yua Liliaka ba Dawan ra dauki yabaia sâtka lika kau daukras kan, baku sin Israel kingka nani king aimaki kan ba yua nani ra sin daukras kata, baku sin Juda kingka yua nani ra daukras kan.

2 Kronikas 30:14

Altar nani kîa yamni angkaia pliska Jerusalem ra paskan kata ba sut saki Cedrón tingnika ra lulkan.

2 Kronikas 30:15

Kati wâl yua 14 ba, sîp luhpia nani ikan Insal luan Yua Liliaka ba dukiara. Prîs nani bara Libait nani ai swira lukan, bara klin takaia daiwan nani ba iki Dawan tempelka ra brih wan angkaia pliska ra.

2 Kronikas 30:2

King ba ai warkka uplika aikuki bara Jerusalem ra iwi nani ba aikuki sin aisin ba ningkara, witin lukan Insal luan Yua Liliaka ba daukaia,

2 Kronikas 35:1

Josías Insal luan Yua Liliaka ba daukan Jerusalem ra, Dawan yua tara ba kulkanka dukiara: mani aiska bilara kati pas yua 14 ra, sîp ba sakripais daukan liliaka ba dukiara.

Lawana Nani 84:7

karnika kau tara daukan kabia, bara Saion ra lika Gâd karnika tara bri ba kaikbia.

Kulki Kaikanka 9:10

Man nani sut, ya ya kabia, kiamkam nani sut, upla pruan ra kangban ba mita tâski takan sapa, apia kaka laihura impakan sa kabia sin, sakuna sut Dawan ra luki Insal luan Yua Liliaka tara ba daukbia,