2 Kronikas 30:12 - DAWAN BÎLA AISKA

¹² Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

2 Kronikas 30:12 ပူးပေါင်းရင်းမြစ်များ

2 Kronikas 29:15

Tâura witin ai taya nani asla daukan, bara sut klin taki banhwan; baha ningkara tempel ra diman nahki sunu takaia dîa king lâ mangkan ba kat, bara dîa Dawan win ba baku daukaia.

2 Kronikas 29:25

Ezequías sin Dawan tempelka ra Libait nani ba swin singbaia dukia ba singbi kaia, Debit bara prapit Gâd wal lâ dauki win ba baku, king warkka ra prapit Natán win ba baku, kan baha lâka ba Dawan bui yaban, Gâd ai prapitka nani aisi bâk.

2 Kronikas 29:36

Ezequías bara upla nani sut lilia kan Gâd upla nani mata dîa daukan ba dukiara, kan naha sut takan na istikira kata.

2 Kronikas 8:15

Bara baku king lâka yan ba wina, kitwi takras kan; prîs nani, Libait nani bara lalah kukanka tempel bilara alki kan nani ba.

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Isikiel 36:26

man nani ra kupia raya kum mangkamna bara spirit raya kum sin mangkamni. Man nani wina sakamna kupia karna walpa baku ba, bara kupia swapni mangkamna.

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

Kli Smalkanka 4:2

Yang mai wîri ba, pura prakpara, dakbi sin sâkpara, Dawan Gâdkam dîa mai win ba kat dauks. Yang mai wîri ba kat,

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

1 Tesalonaika 4:2

Dawan Jisas karnika mita, lâ nani mai smalki mai wîri ba, man nani pain kaikisma.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.