2 Kronikas 30:10 - DAWAN BÎLA AISKA

¹⁰ Bîla twatwilkra nani ba Efraín aiska bara Manasés tasbaya ra sin wih win, tawan tara kum wina wala kat, ban Zabulón kat wan. Sakuna upla nani ba kaiki bara ai lawaska kiki kan.

2 Kronikas 30:10 ပူးပေါင်းရင်းမြစ်များ

Blasi Sturka 19:14

Bara Lot wan, ai luhpia mairin nani briaia, makaban waitnika nani ba sut maisa pakan, bara witin nani ra win: —¡Man nani bus, naha tawanka na wina taki was, kan Dawan balan tawanka na sauhki tikaia! Sakuna ai dapna nani ba witin ra sip kasak lukras kan, baha sturka witin nani ra win ba.

2 Kronikas 30:6

Baku bamna, maisa papakra nani blikan wan Israel bara Juda aiska ra, king wina bara king warkka tâ uplika nani ba wina wauhtaya nani wal, king adar yan ba upla nani ra wibia dukiara: “Israel luhpia nani, Ebraham, Aisak bara Israel Dawan Gâdka ra taws, bara witin sin man nani ra tawbia, upla kulki Asiria kingka mihta wina swak takan ba.

2 Kronikas 34:9

Bamna naha uplika nani ba prîs tara Hilquías ra kaikaia wan, bara witinka ra bri si yan lalah nani upla mita Dawan tempelka ra sal yabi kan ba, baku sin Libait dur aihwawakra nani wahbi asla dauki kan ba, Manasés bara Efraín ra, naha na Israel luhpia nani kau takaskan ba wina, baku sin Juda bara Benjamín wina, sim baku Jerusalem uplika nani wina.

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 2:19

Sakuna Sambalat, Horón wina, Tobías tasbaya wihtka ba, Amón, bara Guesem Arabia wina ba witin nani baha sturka walan ba ra, yang nani dukira saura luki laiwaska kiki banhwan, bara naku ai win: —¿Man nani dîa daukaia lukisma? ¿Ban kra king mapara bûi banhwaia lukisma ki?

Ester 3:13

Bara wauhtaya nani ailal blikan wan wauhtaya twatwilkra nani ba wal, king tasbaya nani aiska ra, Ju nani almuk tuktan, mairin bara wahma nani ba sut iki tikaia bara diara bri ba sut witin nani dawanka takbia. Baha yua mangkan ba lika, kati 12, yua 13 ra kabia.

Ester 3:15

Bara wauhkataya twatwilkra nani ba, mahka brih taki wan king adar yaban ba kat. Naha lâ wauhkataya ulban ba Susa kan kahbaika pliska bri ba ra param sakan; bara baku dauki si, king ba Amán wal lika di kan, sakuna Susa tasbaika tara ra lika kupia turbanka ailal pali bâra kata.

Ester 8:10

Bara king Asuero nina ra ulbi bara king sîlka ba sin wal praki wauhtaya ailal blikan wan, king araska plaplapra nani ba wal.

Ester 8:14

Bara wauhkataya ba brih wan aras plaplapra nani ba wal, king adarka ba kat aihni muni brih waia sa bamna. Naha lâka na Susa kan kahbaika pliska ra sin yan walan, king adarka ba.

Job 12:4

Yang na pâtkas sunu sna sakuna, piua wala ra Gâd makabanki nani ba wali kan, upliki nani mita lika laiwaska kikisa.

Job 9:25

Yui nani ba karna plapisa, tasba ra lilia tânka ba kaikras pali.

Jirimaya 38:19

Sedequías pana witin ra win: —Sakuna yang sibrin ai daukisa, kan Ju nani tila sin Caldea uplika nani tilara dimi aiklabisa, bara baha nani ai alkbia kaka ai sauhkbia.

Luk 16:14

Parisi nani, witinka nani lalah laik kaiki nani ba, naha diara nani na wali, Jisas lawaska kikan.

Luk 23:35

Upla nani sin bahara bûi kaiki kata, wihta tara nani mita sin ai lawaska kiki, naku aisi kan: —Upla wala nani ra swaki sakan; bamna nanara witin swak takbia, witin ba kasak Misaya sa kaka, Gâd mita bâk sakan ba.

Luk 8:53

Sakuna upla nani ai lawaska kikata, kan witin nani kaikan mairin ba pruan sa bamna.

Apastil Nani Sturka 17:32

Pruan nani kli buaia dukiara aisin walan ba ra, tila nani mita lawaska kikan. Wala nani bila: —Kau pain kabia piua wala ra kli naha aisanka na walaia.

Hibru Nani 11:36

Tila nani lika lawaska kikan nani ba ra klala ni wipan, pât nani brin, bara wala nani lika, sîn ni priskan kata bara silak watla ra sin mangkata.