2 Kronikas 30:1 - DAWAN BÎLA AISKA

¹ Ezequías bui Israel ra bara Juda aiska ra maisa pakaia blikan, baku sin Efraín bara Manasés ra wauhkataya ulbi bliki, paiwan Dawan tempelka Jerusalem ra balbia, Insal luan Yua Liliaka ba daukaia, witinka Israel Dawan Gâdka ba.

2 Kronikas 30:1 ပူးပေါင်းရင်းမြစ်များ

2 King Nani 23:22

Naha Insal luan Yua Liliaka ba Dawan ra dauki yabaia sâtka lika kau daukras kan, baku sin Israel kingka nani king aimaki kan ba yua nani ra sin daukras kata, baku sin Juda kingka yua nani ra daukras kan.

2 Kronikas 11:13

Prîs bara Libait nani Israel aiska wina bali banhwan, witin nani wal asla takaia,

2 Kronikas 11:16

Ban sakuna, kasak pali Dawan ra ai kupia aiska ni plikaia luki nani ba, Dawan Israel Gâdka ra, Libait prîska nani lâka nina blikan; bara Jerusalem ra wih banhwan sakripais daukaia ai almukka nani Dawan Gâdka ra.

2 Kronikas 25:7

Sakuna Dawan waitnika kum latan takan bara witin ra win: —Ay king, man lika Israel aiklaklabrika nani ba Efraín aiklaklabra nani ba aikuki asla takpara, kan Dawan baha nani wal apia sa.

2 Kronikas 29:24

Baha ningkara prîs nani ikan, tâlia nani laikan altar purara, prisant baku saurka mana saurka swika tikbia dukiara, Israel aiska sut dukiara, king pat adar yaban kan sakripais ba Israel aiska ra daukbia.

2 Kronikas 29:36

Ezequías bara upla nani sut lilia kan Gâd upla nani mata dîa daukan ba dukiara, kan naha sut takan na istikira kata.

2 Kronikas 30:2

King ba ai warkka uplika aikuki bara Jerusalem ra iwi nani ba aikuki sin aisin ba ningkara, witin lukan Insal luan Yua Liliaka ba daukaia,

2 Kronikas 35:6

Insal luan Yua Liliaka sîpka ba sakripais dauks bara man nani klin taks, bara ridi taki banhs, bara muihkam nani daukbia dîa Dawan win ba kat, Moses bâk lâ mangkan ba daukbia.”

Jirimaya 29:1

King Jeconías, ai yapti kwin ba, ai albika nani king watla ra bri kan ba, Juda Jerusalem wihtka nani dus ni diara papaskra kan ba, kî papaskra nani sut ba tasba wala ra wan ba ningkara, prapit Jirimaya Jerusalem wina wauhtaya kum ulbi baha uplika almuk nani ra blikan. Baku sin, prîs nani ra, prapit nani ra bara Nabucodonosor ra sin upla nani Jerusalem wina Babilon ra brih wan nani sut ra sin blikan.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Oseas 5:4

Witin nani lika ai daukanka saura nani ba mita, kli Gâd ra balaia luki ba alki takaskisa. Ur takaia brinka ba mita taibi brisa; Dawan ba sip kakaira takras.

Jasua 14:4

Josep kiamka nani wina wâl asla takan, Manasés bara Efraín, sakuna Libait nani lika tasba pîska kumi sin briras, ban sakuna tawan tara iwaia pliska pain brin bîp bara sîp nani sahwaia dukiara.