2 Kronikas 29:32 - DAWAN BÎLA AISKA

³² Upla nani sakripais daukaia daiwra nani brih wan kan ba lika bîp wainhka 70, sîp wainhka 100, sîp sirpi 200, baha sut ba Dawan ra ai prisantka yan.

2 Kronikas 29:32 ပူးပေါင်းရင်းမြစ်များ

1 King Nani 3:4

Ba purkara witin sin Gabaón ra wi kan sakripais daukaia, pliska ba tânka tara kulki kan ba mita, plis wala nani wal kau purara; bahara aiska angkan sakripaiska nani 1,000 dauki kan.

1 King Nani 8:63

Baku ba ra king Salaman, kumi wal kli uplika takaia sakripais Dawan ra daukaia dukiara, bîp bul nani 22,000 bara sîp nani 120,000 yan kata. Naku sika king bara Israel luhpia nani sut wal aikuki, utla ba Dawan mihta ra mangkan.

1 Kronikas 29:21

Yua wala Dawan ra aiska angki kîa yamni nani yan, bîp wainhka 1,000, sîp wainhka 1,000, sîp lupia 1,000, bamna Israel luhpia nani sut diara bri ba wina yan, bara wain sin naha nani wina mana luha yan ai Dawanka ra.

2 Kronikas 29:31

Ningkara Ezequías bui upla nani ra win: “Man nani pat holi takram Dawan ra, bara nanara lamara bal, sakripais prisantka nani bri bal, Dawan tempelka ra tingki wiaia dukiara.” Bara upla nani ai prisant ba brih wan Dawan ra tingki wiaia, baku ya sakripais daukaia lukan ba baku daukan.

2 Kronikas 29:33

Dawan ra tingki wiaia yan daiwra nani sut ba bîp 700 kan, bara daiwan wala sirpi nani ba lika 3,000.

2 Kronikas 29:35

Baha purkara wîna aiska angki prisantka yaia sakripaiska ba ailal pali daukaia kan, kli wal uplika takaia sakripaiska daukaia wîna batanka nani ba sin ailal pali kan, baha angki bara wain di prisantka nani yabaia ba sin. Baku dauki natka ra tempel ra Dawan ra mayuni kaia lâka ba kli bukan.

2 Kronikas 30:15

Kati wâl yua 14 ba, sîp luhpia nani ikan Insal luan Yua Liliaka ba dukiara. Prîs nani bara Libait nani ai swira lukan, bara klin takaia daiwan nani ba iki Dawan tempelka ra brih wan angkaia pliska ra.

Esdras 6:17

Baha yua witin nani bîp wainhka nani 100 kum, sîp wainhka nani 200, sîp mairin nani 400 bara guts wainhka nani 12, Israel kiamka nani 12 ba kulkanka ba kat, witin nani saurka ba sakripaiska dukiara ikan, baku sin Israel kiamka nani sut ba saurka dukiara sin guts nani ba ikan.

Libait Lâka 1:1

Dawan wal aisaia tintka watla ba wina, Dawan bui Moses ra aisin, bara naha bîla nani na witin ra win:

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,