2 Kronikas 29:31 - DAWAN BÎLA AISKA

³¹ Ningkara Ezequías bui upla nani ra win: “Man nani pat holi takram Dawan ra, bara nanara lamara bal, sakripais prisantka nani bri bal, Dawan tempelka ra tingki wiaia dukiara.” Bara upla nani ai prisant ba brih wan Dawan ra tingki wiaia, baku ya sakripais daukaia lukan ba baku daukan.

2 Kronikas 29:31 ပူးပေါင်းရင်းမြစ်များ

2 Kronikas 13:9

¿Bara Eran kiamka Libait Dawan prîs nani ba sin man nani mita kangbram wan apia, bara man nani mita idan prîs nani ba mangkram apia aidul nisan wala nani dauki baku? ¡Ani uplika kabia bal bîp wainhka kum sîp 7 bri ai gâdka nani ba prîs mangki pura sunaia!

2 Kronikas 29:32

Upla nani sakripais daukaia daiwra nani brih wan kan ba lika bîp wainhka 70, sîp wainhka 100, sîp sirpi 200, baha sut ba Dawan ra ai prisantka yan.

Esdras 1:4

Bara ya nani kau bâra nani ba tila wina, ai tasbaya swi si mahka plis wala ra auya kaka, ai lamara iwi uplika nani ba mita witin ra tâ baikbia sa silbar, gul, diara wala kukanka nani bara daiwan nani sin yabia. Baha purkara, Gâd watla Jerusalem ra ba prisantka sin.”

Impakan Sturka 35:22

Waitna bara mairin nani aidrubi balan, witin nani sut ai kupia param ni bri balan, wilkaia dukia nani, mihtadingka nani, bangkil nani, kiama lula nani, gul ni paskan ba dukia sât nani. Upla bani gul dukia nani sât Dawan ra yaia brih balan.

Impakan Sturka 35:5

Man nani tilamra Dawan ra yabaia prisant kum dauks, ya baha yabaia luki ba ai kupia aiska ni brih balbia; gul, silbar, bras,

Isikiel 46:12

“Tâ bri ba prisantka kum ai kupia lâka Dawan ra yabia kaka, ban kra daiwan kum angkuya ba, apia kaka sakripais wal kli wan uplika takaia dukiara, lalma durka ba kwâkbia bara ai sakripaiska yabia, sim ris yua nani ra yabi ba baku. Aima kum taki wan ba ra, dur ba prakan kabia.

Libait Lâka 23:38

Baha purkara ris yua nani Dawan ra pain kulkaia ba, prisantkam nani ba, bara Dawan wal pramis takaia man nani brinkam wina daukaia ba sut daukaia sma.

Libait Lâka 7:11

“Naha sika wal kli uplika takaia sakripaiska nani daukaia, Dawan ra brih aula nani ba smalkanka:

Libait Lâka 7:12

Baha sakripaiska daukaia brih aula ba, Dawan ra tingki wiaia lâka daukaia sa kaka, naha diara wala nani sin brih balaia sa: plawar îs mangkras, oliv batana laya ra akbi brit daukan ba, dus wahia nani îs mangkras batana laya ni srikban ba, plawar mâ pain nani batana laya ra akbi brit daukan ba;