2 Kronikas 29:27 - DAWAN BÎLA AISKA

²⁷ Bara Ezequías ridi kan, sakripais ba altar purara daukaia. Bara sakripais ba daukaia minitka ra, Dawan ra kulki lawana aiwani banhwan, trumpit puhbi, miusik sâtka wala sin kangbi, Debit yan ba wal.

2 Kronikas 29:27 ပူးပေါင်းရင်းမြစ်များ

1 Kronikas 16:42

Naha nani ba lilia binka daukaia dukia nani ba kangbi kata: trumpit nani, plit sirpi nani bara kangbi pulaia dukia wala nani sin, Dawan ra aiwanaia dukiara tâ baiki dukia nani ba sin. Jedutún luhpia nani ba lika dur ra aihwaki banhwi kata.

2 Kronikas 20:21

Bara tawan ra tânka plikan ningkara, aiwawanra nani kum kum mangkan kata, holi kwalka nani dingkan, suldiar nani kainara wapaia; bara lawana aiwani Dawan ra mayunaia: “Dawan ra tingki wis, kan ai latwanka lâka ba ban kaia ra sa.”

2 Kronikas 23:18

Baha ningkara Joiadá bui Dawan tempelka ra main kakaira nani mangkan, bara prîs nani bara Libait nani adarka munhtara mangkan, baha nani ra Debit bui Moses lâka ra ulban ba baku mangkan ba Dawan warkka daukaia dukiara, baku ba ra piua nani sin kulki saki yan, Dawan ra sakripaiska nani dauki yabaia, witin nani sin lilia aiwani kaia, dîa Debit win ba kat.

2 Kronikas 29:28

Upla nani ba ai lula kriki Dawan ra mayuni kan, trumpit ba prîs nani puhbi kan aiwawanra nani sin aiwani kan, ban trumpit nani puhbi kan sakripais ba sut aman ba kat.

2 Kronikas 30:21

Baku ba ra Israel luhpia nani ba yu 7 Jerusalem ra kan, brit îs mangkras daukan yua tara liliaka ra. Bara prîs nani bara Libait nani ba yu bani Dawan nina mayuni kan baha miusik pulaia dukia nani ba wal.

2 Kronikas 7:3

Israel luhpia nani sut, pauta klauhan bal iwan ba kaikan bara Gâd prana ba sin kaikan, Gâd watla purara bal iwan ba kaikan, ningkara witin nani sut ai lal makupan tasba kangbaia baila ai mawan nani ba, bara Dawan ra ai pura suni banhwan naku aisi: “Witin ba yamni sa, bara ai kupia latwanka lâka ba ban kaia ra ban sa.”

2 Kronikas 7:6

Bara prîs nani ai warkka ban daukata, bara Libait nani sin, Dawan mayunaia miusikka nani wal, king ulbanka ba lawana ba wal, bara lawana ba naku aisi aiwani kata: “Kan ai latwanka lâka ba ban kaia ra ban sa”, Debit ba witin nani tilara aiwani kan piua ra. Baku sin prîs nani trumpit puhban witin nani mawanra, bara Israel luhpia nani sut ai mina ra bûi kata.

Lawana Nani 136:1

Man nani, Dawan ra tingki wis; kan witin ba yamni sa, ai latwanka lâka ba ban kaia ra ban sa bamna.