2 Kronikas 29:25 - DAWAN BÎLA AISKA

²⁵ Ezequías sin Dawan tempelka ra Libait nani ba swin singbaia dukia ba singbi kaia, Debit bara prapit Gâd wal lâ dauki win ba baku, king warkka ra prapit Natán win ba baku, kan baha lâka ba Dawan bui yaban, Gâd ai prapitka nani aisi bâk.

2 Kronikas 29:25 ပူးပေါင်းရင်းမြစ်များ

2 Samuil 24:11

Yapra wala titan, Debit buan ba ra, Dawan bui prapit Gad ra win, witin lika Debit ra dîa taki ba kakaira kata ba:

1 Kronikas 16:42

Naha nani ba lilia binka daukaia dukia nani ba kangbi kata: trumpit nani, plit sirpi nani bara kangbi pulaia dukia wala nani sin, Dawan ra aiwanaia dukiara tâ baiki dukia nani ba sin. Jedutún luhpia nani ba lika dur ra aihwaki banhwi kata.

1 Kronikas 21:9

Debit, prapit kum bri kan nina Gad, bara Dawan bui witin ra naku win:

1 Kronikas 23:5

bara 4,000 wala ba lika dur aihwawakra nani mangkan, 4,000 wala ba lilia binka daukaia dukia nani ba warkka yan, Dawan ra lawana aiwani mayunaia, Debit bui baku daukaia win ba kat daukan.

1 Kronikas 28:12

Baku sin Dawan watla kutbanka ra diara nani daukaia ai sinska ra bri kan ba sut yan; baku sin kutbanka nani daukaia kan ba mawan tani, lalah nani Dawan watla ba dukiara auhbi bri kaia pliska ba, bara yamni munan dukia nani watlika ba sin.

1 Kronikas 28:19

Naha diara nani sut na ulbanka kumi ra Dawan bui Debit ra marikan ulban kata, bahara sika wark nani bani daukaia kan ba, pat ulbi daukan kan.

1 Kronikas 29:29

Debit dîa daukan ba tâura bara ninara, baha lika prapit Samuil, prapit Natán bara Gad sturi almuk nani ulban ba wauhkataya nani ra ulbi mangkan sa.

1 Kronikas 9:33

Baku sin aiwawanra nani bâra kan, Libait nani tilara lalka kan ba, witin nani ba takaski kan Dawan watla bilara, rum kum ra; wark wala nani daukras pali kan, witin nani ba kakna bara tihmia baha warkka ra ban kan ba mita.

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

2 Kronikas 30:21

Baku ba ra Israel luhpia nani ba yu 7 Jerusalem ra kan, brit îs mangkras daukan yua tara liliaka ra. Bara prîs nani bara Libait nani ba yu bani Dawan nina mayuni kan baha miusik pulaia dukia nani ba wal.

2 Kronikas 35:15

Asaf kiamka aiwawanra nani ba, baha nani sin ai pliska ra banhwi kan, Debit lâ mangkan ba kat, baku sin Asaf, Hemán bara Jedutún, diara kakaira ba, king warkka uplika ba. Dur kaina suni nani ba ai durka bani ra kan, kumi sin ai pliska swih waras kata, kan witin nani wark daukaia kan ba Libait nani daukan, kumi bani sakripaiska ba.

2 Kronikas 8:14

Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

1 Samuil 22:5

Bamna prapit kum nina Gad, Debit ra kupia kraukanka kum yan: —Man nâra kan kahbaika pliska ra yukuwi ban kapara. Yabal ra taks bara Juda tasbaya ra was. Baku bamna, Debit lika Héret untika ra wan.