2 Kronikas 29:22 - DAWAN BÎLA AISKA

²² Bara prîs nani bîp nani ba ikan, tâlia nani ba brih baha ni altar lama aiska ba srikban, bara guts bara sîp nani tâlia ba wal sin baku daukan.

2 Kronikas 29:22 ပူးပေါင်းရင်းမြစ်များ

2 Kronikas 35:11

Baku ba ra daiwan nani ba sakripais daukan, Insal luan Yua Liliaka ba dukiara, bara Libait nani ba nana dakbi kan, prîs nani lika tâlia nani ba wal altar ra srikbi kan Libait nani bui laki yabi kan ba wal.

Libait Lâka 1:5

Dawan mawanra bri sal bîp wainhka ba skiru ni ikbia; baha ningkara Eran luhpia prîs nani ba bal, tâlia prisantka ba Dawan ra yabia, bara baha ningkara, tâlia ba ni, altarka pura tnaya nani ba sin kir srikbia, upla nani tint watla ra bal, Dawan wal prawbia dimaia durka lama lata tani ra ba ra.

Libait Lâka 4:18

Baha ningkara altar aringka nani ba ra sin, tala ba ni wirâ yûkbia Dawan kaiki ba ra, baha ba Dawan wal aisaia Tintka watla ba bilara daukbia. Bara tala kau ailal yus munras ba, baha bri si daiwan aiska wîna batanka nani ba saki angki ba, altarka ba lamara laikbia, Dawan wal aisaia tint watla ra dimaia ba bilara.

Libait Lâka 4:34

Bara prîs ba bal, ai mihta sirpika ni tâlia ba ra buski wîna aiska angki altarka aringka nani ba ra yûkbia, bara tala sut ba lika altarka ba lamara laikbia.

Libait Lâka 4:7

Kîa pain daukaia altarka aringka nani ba ra sin tala ba ni wirâ yûkbia, tint watla ra upla nani buaika ba ra, Dawan kaiki ba lamara, tala kau aihkika laikras swin ba, baha ni altarka ba lamara laikbia, tint watla ra dimaika durka bilara bâra ba.

Libait Lâka 8:19

Baha daukan ba ningkara, sîpka wainhka ba Moses brih skiru ni sabi ikan, bara tâlia ba altar purara tnaya nani kir laikan.

Libait Lâka 8:24

Baha ningkara, Eran luhpia waitna nani ra sin win ai lamara balan, bara kiama aihkika ra, mihta wihtka aihkika ra, mina wihtka aihkika ra tala ba ni yukan; baha ningkara tâlia ba bri si altar ba purara, tnaya kir ba sin tala laikan.