2 Kronikas 29:21 - DAWAN BÎLA AISKA

²¹ Witin nani brih wan bîp wainhka 7, guts sirpi 7 bara sîp sirpi 7, saurka swih tikaia prisantka daukaia king taika nani ba, tempel ba bara Juda dukiara sin pura sunaia. King ba Eran kiamka prîs nani ba ra win, baha prisantka nani ba Dawan altarka ba purara aiska angkbia.

2 Kronikas 29:21 ပူးပေါင်းရင်းမြစ်များ

1 Kronikas 15:26

Dawan bui Libait nani ra tâ baiki kan, Gâd lâka auhbaia watla ba twilki brih waia, kîa yamni angki yan, bîp wainhka nani sakan ba, 7 pura kumi bara sîp wainhka 7.

2 Kronikas 29:20

King Ezequías ba titan puk ba ra buan, tâ uplika nani sut asla daukan, bara Dawan tempelka ra wan.

Esdras 8:35

Israel luhpia nani priski alba lâka ra brih wan kan ba wina kli balan nani ba, witin nani bui daiwan nani iki aiska angki Gâd ra yabaia ba yan, witinka Israel Gâdka ba; bara baku sin Israel uplika aiska nina ra yan naha daiwra nani: bîp wainhka nani mani kumi alkan ba 12, sîp wainhka 96, sîp luhpia 77 bara guts wainhka 12 yan, baha daiwra nani ba saurka daukan ba sakripaiska dukiara, bara aiska angkan Dawan nina ra.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Isikiel 45:23

Bara baha yua 7 nani dauki ba tilara, 7 bîp wainhka bara sîp lupia nani watawan âpu ba daiwan wîna aiska angkan ba Dawan ra yaia. Baha purkara yu bani ba guts kum ikbia saurka sakripais dukiara.

Libait Lâka 16:5

“Israel luhpia nani tila wina Eran ra guts wainhka wâl yabia sa, kumi ba saurka mana sakripaiska baku aiska angkaia prisantka daukbia.

Kulki Kaikanka 23:1

Bamna Balaam bui Balac ra win: —Man nani nâra 7 altar paski, bîp wainhka 7, sîp wainhka 7 bri sal aik.

Kulki Kaikanka 23:14

Bara Balac bui Balaam ba Sofim twiya ra brih wan, Pisgá ilka bahna ra; bahara altar 7 paskan bara bîp wainhka 7, sîp sin 7 angkan.

Kulki Kaikanka 23:29

Bahara Balaam mita Balac ra win: —Nanara altar nani 7 paskma, bara bîp wainhka 7, sîp wainhka 7 bri sal aik.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.