2 Kronikas 28:6 - DAWAN BÎLA AISKA

⁶ Kasak pali, Remalías luhpia Pécah mita Juda uplika nani ra yu kum 120,000 ikan, uplika nani ba war aiklaklabra nani kata, kan witin nani ai damika nani Dawan Gâdka wina tnaya ra tawan bamna pruan.

2 Kronikas 28:6 ပူးပေါင်းရင်းမြစ်များ

2 King Nani 15:27

Azarías Juda kingka ba king aimakan pat 52 mani bri kan ba ra, Pécah, Remalías luhpia ba, mahka king aimakan Israel ra, bara Sameria ra 20 mani king aimakan.

2 King Nani 15:37

Baha yua nani ra Dawan mita Juda mapara aiklabaia wisi Resín, Siria kingka ba blikan balan, bara Pécah, Remalías luhpia ba sin witin wal balan.

2 King Nani 16:5

Baha piua ra, Resín, Siria kingka ba, bara Pécah, Remalías luhpia Israel kingka ba wal, Jerusalem ra wan war daukaia. Bara aikuki Ahaz ra kutban, sakuna witin nani sip apia kan tawan ba dakbi briaia.

2 Kronikas 13:17

Abiam ai uplika nani aikuki Israel luhpia nani ba kasak ikan, Israel suldiarka pain nani ba 500,000 pruan.

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 21:10

Sakuna Edom ba Juda wina dakwi takan, Libná sin, bara baha piua wina naiwa kat ban sa, kan Joram ba ai almukka nani Dawanka wina tnaya ra takan kan bamna.

2 Kronikas 28:7

Bara Zicrí, Efraín wina war aiklaklabra ba mita Maaseías king luhpia ba ikan, bara Azricam king watla wihtka ba sin, wala ba Elcaná, king watla ra suldiar nani wihtka ba sin ikan.

Job 34:27

Witin nani bîla wali kaia brin daukras kan ba mita, ai rayaka lâka nani sin brin daukras kan.

Lawana Nani 37:38

Sakuna mapara babura nani ba lika, aiska pali sauhki tikan kabia, saura nani yua tnata ba lika, sauhki tikan lâka man kabia.

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 3:25

Waitna nani ba sord ra kauhbia, war aiklaklabrikam nani ba war ra prubia.

Aiseya 7:1

Siria kingka Resín, bara Israel kingka Pécah Remalías luhpia ba wal, Jerusalem mapara aiklabaia wan, sakuna sip pura luras kan. Ahaz, Jotam luhpia, Ozías mulika ba, Juda kingka aimaki kan ba yua nani ra baha takan.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Isikiel 16:57

baha piua saurkam ba kau param takras kata; sakuna nanara filisteo bara Edom tawanka nani, lamara tawanka nani sut ba saura mai wisa; ¡tasba aiska bahki mai kulkisa!

Kli Smalkanka 28:15

“Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia:

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 32:20

bara win: ‘Yang lika man nani ra nini tawaisna, bara kaikamna ani kat man nani wih takaskma ba. Kasak pali ba upla watawikira nani, sip luki tniwaia apia luhpia nani ra.

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”

Jasua 24:20

Man nani bui witin ba swi si, bara gâd wala nani dukia daukma kaka, Dawan ba pana saura mai munbia, bara sut sauhki mai tikbia, witin bui man nani ra diara pain manis daukan sa kuna.