2 Kronikas 28:27 - DAWAN BÎLA AISKA

²⁷ Witin pruan ba ra, ai damika nani tilara Jerusalem tawanka ra bikan, sakuna king nani raitika ra lika bikras kata. Ba ningkara ai luhpia Ezequías ba ai watlika ra king aimakan.

2 Kronikas 28:27 ပူးပေါင်းရင်းမြစ်များ

2 King Nani 16:20

Bamna king Ahaz ba pruan ba ra, ai damika nani lamara bikan, Debit Tawanka ra. Bara ai watlika ra ai luhpia Ezequías king aimakan.

2 King Nani 18:1

Oseas Elá luhpia ba Israel ra king aimakan pat mani yumhpa kan ba ra, Ezequías, Ahaz luhpia ba, mahka Juda kingka aimakan.

2 Kronikas 21:2

Joram muihnika nani, Josafat luhpia nani ba naha nani kata: Azarías, Jehiel, Sakaraya, Micael bara Sefatías. Witin nani sut Josafat Juda king ba luhpia nani kan.

2 Kronikas 21:20

Bara king lâka ra iwan taim mani 32 bri kan, bara Jerusalem ra lika 8 mani king aimakan. Witin pruan ba ra, upla kum sin ai sarka briras kan. Debit Tawanka ra bikan, sakuna king nani raitika ra lika bikras kata.

2 Kronikas 24:25

Siria uplika nani mahka wan ba ra, Joás siknis pali krikri ra prawi kan, ai warkka uplika nani witin mapara buan, prîs Joiadá luhpia ra ikan ba mana, pana yaka ikaia dukiara, bara witin ba ai krikrika kat ikan. Baha ningkara bri si Debit Tawanka ra bikan sakuna king nani raitika ra lika bikras kata.

2 Kronikas 26:23

Ozías pruan ba ra, upla nani ba aisin witin lipar brisa, sakuna witin ai damika king nani raitika ra bikan. Bara ai watlika ra ai luhpia Jotam king aimakan.

2 Kronikas 29:1

Ezequías 25 mani bri kan ba ra king aimakan, bara witin 29 mani Jerusalem ra king aimaki kan. Ai yaptika nina ba Abí mâki kan, bara Sakaraya luhpia mairin kata.

2 Kronikas 33:20

Witin pruan bara king watla latka ra bikan. Ningkara witin luhpia Amón king aimakan.

Sins Lâka 10:7

Upla kasakkira ba yamni lâka wal kupia kraukisa, rugkira ba, isti pali âuya tiwisa.

Aiseya 14:28

King Ahaz pruan ba ningkara prapit Aiseya ba naha dahra nani aisan:

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.