2 Kronikas 26:20 - DAWAN BÎLA AISKA

²⁰ Bara prîs tara Azarías bara prîs wala nani sin witin ra kaikan ai lal purara lipar bri ba, aihni pali baha pliska ba wina sakan; witin pali sin mahka takaia luki kan, baku Dawan bui witin ra klala yaban bamna.

2 Kronikas 26:20 ပူးပေါင်းရင်းမြစ်များ

2 Kronikas 26:19

Ozías sakripais angkaika kum ai mihta ra bri kan, sakripais angkaia dukiara bara prîs nani mapara ai kupia sauhkan. Bara baha pali piua ra, Dawan tempelka pali kat, sakripais angki altarka lamara bara prîs nani mawan kat, ai lal pura kat lipar sikniska takan.

2 Kronikas 26:21

King Ozías ba liparkira kan pruan ba kat. Baku ba ra king ba liparkira kan raya kan ba piua sut, utla kum ra saki swin, bara sin Dawan tempelka ra swin dimras kata. Bara ai luhpia Jotam ba king aimakan, ai nisanka aiska purara.

Esdras 7:5

Abisúa, Finees, Eleazar bara Eran, prîs pas pali takan ba.

Ester 6:12

Naha daukan ba ningkara, Mardoqueo ba kli king watla dimaika ra balan. Bara Amán lika, ai kupia ra wirha tara wal, ai lal biki aihni muni ai watla ra wan.

Libait Lâka 13:10

Prîs laki kaikbia, puskanka taya purara ba pihni takan sa kaka, tamaya ba sin pihni takan sa kaka, puskanka bara wîna pauni raya kaikisa kaka,

Libait Lâka 14:34

“Man nani Kenan ra tasba maikaia wîri ba tasbaya ra, yang lipar sikniska blikamna, bahara iwi uplika tawanka nani ra.

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Kli Smalkanka 28:35

Dawan bui sukwan siknis saura maikbia lulam ra, kuhmam dusa ra bara wînam aiska ra sukbia, bara rawaia sin sip apia kama.