2 Kronikas 26:18 - DAWAN BÎLA AISKA

¹⁸ bara king mapara bûi naku wi banhwan: “King Ozías, Dawan ra sîka mâka kîa pain ni sakripais daukaia ba, man mihtam ra apia sa; baha ba prîs nani Eran kiamka nani ba mihta ra sa. Man taki was naha Dawan wal aisaia watla wina, kan man Dawan mapara saura daukram, ba mita Dawan kulkanka maikbia apia.”

2 Kronikas 26:18 ပူးပေါင်းရင်းမြစ်များ

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 30:7

Damikam nani kan ba baku kapara, bara muihkam nani baku sin, witin nani kasak lukras kan Dawan ra, ai damika nani Gâdka ra, ba mita witin sauhki tikan, nanara man nani kaikisma na.

Impakan Sturka 28:1

“Muihkam Eran paiws lamamra balaia. Ai luhpia waitna nani ba sin witin nani ba Israel luhpia nani tila wina, yang prîski nani kabia. Eran luhpia nani ba Nadab, Abihú, Eleazar bara Itamar.

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Kulki Kaikanka 18:7

sakuna man nani bara luhpiam nani baman sip sma prîs warkka ba daukaia, baha kîa pain angkaia watlika ra, kwala paman ba nina tani ra; baha warkka nani ba man nani mihtam ra sa, bamna prîs warkka daukaia yang mita mihtam ra mangkri. Ani uplika prîs apia, sakuna ban prîs warkka daukbia kaka, witin ba pruaia pâtka ra lakan kabia.”

Kulki Kaikanka 3:10

Bamna Eran bara luhpia nani baman yarka prîs warkka dauki kabia, bara ani upla wala baha lamara wabia ba prubia.”

Matiu 10:18

Wihta tara nani bara king nani mawanra mai brih wabia, yang tâiwan; baku man nani sturi yamni ba aisaia sip kama witin nani mawanra, bara Ju apia nani mawanra sin.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 14:4

Jan mita Herod ra naku win kan: “Witin na man mayam baku briaia sip apia.”

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Galesha 2:11

Sakuna Pita Antíoco ra wan ba ra, mawan kat lawi daukri, witin swakwanka kum daukan ba tâwan.

Hibru Nani 5:4

Upla kumi sin kulkan lâka mita prîs tara takras sa; sakuna, Gâd mita sika paiwi baha kulkanka lâka yabi ba, sim Eran kata ba baku.

Jems 2:1

Muihki nani, man nani wan Dawan Jisas Kraist pranakira ra kasak lukisma ba, uplikam kum bara wala wal purkara kau tara kulkpara.

Jasua 22:15

Witin nani sut Galaad ra wan, bahara sika Ruben bara Gad bara Manasés kiamka bakriki ba bâra kata, bara witin nani ra win:

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.