2 Kronikas 25:5 - DAWAN BÎLA AISKA

⁵ Amasías ba Juda bara Benjamín uplika sut asla daukan, bara kiamka bani ba kat asla dauki ai tila kat war lalka nani mangkan. Baha ningkara upla mani 20 bri ba wina purara ba kulkan bara 300,000 wahma nani sakan war ra waia langsa wal, ai kan kahbaika sin twilkaia.

2 Kronikas 25:5 ပူးပေါင်းရင်းမြစ်များ

1 Kronikas 13:1

Debit war wihtka nani bara tâ brabrira nani sut aikuki aisi kaikan, wibia kaka war lalka tara nani sut aikuki.

1 Kronikas 27:1

Bamna Israel luhpia nani kumi bani, ai taya nani kat, war aiklaklabra daknika tara bara daknika sirpi nani kat, aiklaklabra wihtka nani kat nina nani ba ulbi sakan kata, naha nani king warkka dauki nani kan ba, war aiklaklabra daknika baiki sakanka nani asla wark dauki kan ba ai piua kat kati bani mani aiska ra. Daknika bani ba bri kata 24,000 aiklaklabra nani.

2 Kronikas 11:1

Roboam Jerusalem ra wan ba ra, upla nani asla paiwi 180,000 wahbi sakan suldiar nani Juda kiamka wina bara Benjamín kiamka wina sin, witin nani wal Israel mapara war aiklabi bara ai kingka lâka ba kli briaia lukan.

2 Kronikas 14:7

Juda uplika nani ra win: “Kaisa tawan nani na paskaia, kutbanka nani sin paskaia, tawer nani, getka nani bara ayan nani ba sin, kuntrika na kau yawan wan karnika ra bri na piua ra. Kan yawan sika Dawan wan Gâdka ra plikan, witin sika yawan ra kupia kumi lâka wankan ba wan uplika nani wan lamara iwi nani ba aikuki.” Bara baku witin nani baha dukia nani ba sut pain paskan.

2 Kronikas 14:8

Asá lika Juda wina 300,000 aiklaklabra nani brin, bara Benjamín wina sin 280,000 suldiar nani brin baha nani sin trisbaya bara ai kan kahbaika nani bri kan. Witin nani sut ba kupia karna kan.

2 Kronikas 25:6

Baha purkara 100,000 kau wala nani sakan Israel wina, baha nani mana silbar 4 ton prais aibapan.

2 Kronikas 26:13

Witin ai mihta ra war uplika bri kan 307,500, karnika tara pali, naha nani ba ani piua king mapara war kum aula ba taim hilp muni kan.

Impakan Sturka 18:25

Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia.

Kulki Kaikanka 1:3

mani yawanaiska kumi alkan ba wina ai purara, baha nani sut war aiklabaia waia sip ba. Eran hilp mai munbia bara baha nani war aiklabaia sip ba, daknika nina ba uls,

1 Samuil 8:12

Tila nani ba 1,000 lalka kaia mangkbia, baku sin 50 nani lalka kaia sin mangkbia. Insla dadaukra daknika sin bribia, war ra aiklabaia dukia nani paskaia daknika sin sâkbia.