2 Kronikas 25:23 - DAWAN BÎLA AISKA

²³ Joás, Israel kingka ba, Amasías Juda kingka ba alki silak ra mangkan Bet-semes tawanka ra. Baha ningkara Jerusalem ra brih wan, bara baha kutbanka ra unta kum daukan yahpika ba 200 yar bri kata, Efraín durka wina dur wala ba kat.

2 Kronikas 25:23 ပူးပေါင်းရင်းမြစ်များ

2 King Nani 14:13

Joás Israel kingka ba mita Amasías Juda kingka ra silak mangki bri kan Bet-semes ra, bara baha ningkara Jerusalem ra wan, bara kutbanka ra unta kum kwâkan 200 ‘‘mita’’ prais, Efraín Durka dimaika wina Un wala Durka dimaika ba kat.

2 Kronikas 21:17

bara Juda tawanka aiska ba kutban, bara king watla ra diara pain nani bâra kan ba sut kwahki brih wan, baku sin ai luhpia nani, ai mairka nani sin sut alki brih wan. Sakuna Joacaz tukta sirpika ba baman swakwan.

2 Kronikas 22:1

Jerusalem uplika nani mita Joram watlika ra luhpia sirpika Ocozías ba king mangkata, kan âimplikra daknika ailal takan yabal nani ra bara Arabia uplika nani aikuki asla taki, kiamp nani ra wih ki, Joram luhpia almukka nani sut iki tikan, witin Juda kingka kan ba. Baku bamna, Ocozías, Joram luhpia, Juda kingka ba, mahka king aimakan.

2 Kronikas 22:6

bara witinka na Jezreel ra kli balan ai insauhkanka nani ba rawaia, baha sika Ramot ra latwan brin kan ba, Hazael Siria kingka ba mapara war aiklabi. Bara Joram ba siknis pali kan bamna, Ocozías ba Jezreel ra wan kaikaia.

2 Kronikas 25:22

Bara Juda ra Israel bui pura luan, bara upla kumi bani ba plapi ai watla ra diman.

2 Kronikas 26:9

Witin Jerusalem ra tawer nani sin paskan, Tawan Unyukwika Getka purara, Il Bîla Getka ba purara bara unyukwika ba purara, bara baha nani ba kaina kahbata.

2 Kronikas 32:5

Ezequías ai kupia ba bukan bara tawan kutbanka ba kli paskan, bara tawer nani sin kutbanka ba purara kli paskan bara lata tani ra sin kutbanka kum. Baha purkara, Debit Tawanka ra tasba yakabi daukan pliska ba kau karna daukan, bamna langsa nani bara kan kahbaika dukia nani ailal paskan.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

2 Kronikas 36:10

Bara mani tara bal diman ba piua ra, king Nabucodonosor mita adar yaban Babilon ra brih wabia, Dawan tempelka ra diara nani yus muni dukia nani kau manakira nani ba wal, bara Sedequías ba Juda bara Jerusalem kingka mangkan, witin Joaquín taika kan ba.

2 Kronikas 36:6

Nabucodonosor, Babilon kingka ba, witin mapara balan, bara bras sînka nani wal wilki, Babilon ra brih wan.

Nihimaya 12:39

bara Efraín watla getka ra dimaia ba kaina wina, get almuk Jesaná dukia ba kat, baha wina Inska getka dimaika kat, Hananel tawerka bara Handat tawerka purara paskanka watla laih Sîp nani getka kat bal, bara Silak Watla getka kat takaski banhri.

Nihimaya 8:16

Bara upla nani ba taki wih, dus wahia nani bri balan, bara utla papakni nani ba sin mâkan, upla nani ai pliska kat, ai latka nani bani ra, tempel latka ra luaika nani ra, lî watla getka lamara, pulaia pliska ra bara Efraín watla latka durka lama kat.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 29:23

Upla prautkira ai prautka mita witin ba tasba ra batakbia, kuna ai spiritka ra mâyara bawi uplika ba mayunra alkbia.

Jirimaya 31:38

Dawan ba kasak aisisa: “Yua kum balbia yang tawanki ba kli paskan kabia, Hananel tawerka wina kutbanka wih takaskan getka ba kat.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Abdías 1:3

Il walpaya tara baiwanka nani bilara laih purara iwisma bamna, kupiam prautka mita kunin mai munan sa, bara wisma: ¿Ya pali mita naha wina ai batakbia?

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.