2 Kronikas 25:16 - DAWAN BÎLA AISKA

¹⁶ Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

2 Kronikas 25:16 ပူးပေါင်းရင်းမြစ်များ

2 Kronikas 10:15

King ba upla nani bîla walras kata, kan baha ba Dawan bui pat baku daukan kata, Dawan ai bîla ba kat daukaia prapit Ahías, Siló wina bâk aisin ba, Jeroboam, Nabat luhpia ba dukiara.

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 18:25

Bamna Israel kingka ba mita adar yaban: —¡Micaías ba alks, bara naha tawanka wihtka Amón ra bri si yas, bara yang luhpia Joás ba sin!

2 Kronikas 24:20

Bara Sakaraya, prîs Joiadá luhpia ba, Gâd spiritka witin ra iwan ba ra, plis prumhni kum ra uli wan bara ningkara upla nani ra win: “Gâd ba naku wisa: ‘¿Dîa kan man nani lâika bîla walras sma? ¿Man nani bui pliki banhwisma Dawan lawanka ba? ¡Man nani bui lulki ai swiram, bamna yang sin man nani ra lulki mai swimni!’ ”

2 Kronikas 24:21

Sakuna upla nani ba witin mapara buan, bara walpa ni sabi banhwan, king adarka ba kat, Dawan tempelka kutbanka ba ra.

2 Kronikas 25:15

Bara Dawan Amasías ra ai kupia sauhkan, bara prapit kum blikan witin ra wiaia: —¿Dîa kan gâd bahki nani ra waram, baha gâdka nani ba sip ai nisanka pri sakras ba?

2 Kronikas 25:17

Sakuna Amasías, Juda kingka ba, witin ai uplika nani Israel kingka mapara aisi nani ba bîla walan bamna, Joás, Joacaz luhpia bara Jehú mulika, Israel kingka ba ra, ai bîla bliki win: “Bal, yawan wan mawan prawi kaikaia.”

Impakan Sturka 10:28

Baha purkara, king fero mita Moses ra win: —Naha wina taki was, bara aman kaiki bas yang maiwan kaikaia kli balpara, kan man kli yang maiwanra bal buma yua ba lika, man pruaia sma.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Sins Lâka 1:29

Kan saura kulkisa sins lâka ra bara Dawan ra kulkanka yabaia want apia.

Sins Lâka 1:30

Yang kupia kraukanka yabisna ba, brin daukras sa; yang smalkanki ba saura kulkisa.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 27:15

Dawan kasak aisisa baha nani ba witin mita blikras; Dawan nina ra witin nani kunin aisisa. Bamna witin nani bui man nani ra mai yakabaia dauki ba baku, man nani bara witin nani baha baku mai smalki ba aikuki pruma.”

Jirimaya 29:26

Dawan mita prîs kum kaia mai mangkan sa Joiadá watlika ra, man tempel ra pura kakaira nani ba sut pura kaiki kaia. Bara upla kum tanis taki prapit aisi baku aisi kabia kaka, man mita alki mina ba dus unta klauhbanka ra mangki, silak ni awa daukan ba ni priski swima.

Jirimaya 43:4

Bara baku aisi si, Johanán aiklaklabra wihtka nani upla wala nani ba sin Juda ra takaskras, Dawan win adarka ba bîla walras.

Isikiel 33:4

Upla kum walbia trumpit puhban ba bara baha ba kulkras sa, bara waihla nani ba, balbia bara ikbia, witin ai pruanka pâtka ba, klauna takisa;

Matiu 21:23

Jisas tempel ra diman, bara baha ra smalki kan, prîs wihtka nani bara Ju wihtka almuk nani ai lamara balan, bara witin ra makabi walan: —¿Dîa karnika ni naha dukia nani daukisma? ¿Ya mita naha karnika na maikan?

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Roman 9:22

Bamna Gâd lika ai lawanka bara ai karnika tânka ba marikan dauki kan ba ra, witin wihka ai kupia alki takaski brin, baha uplika nani klala yaia bara âpu daukaia aitani kulkan kan nani ba mapara.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Param Marikanka 11:10

Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.