2 Kronikas 24:24 - DAWAN BÎLA AISKA

²⁴ Siria wina war aiklaklabra wiria baman wan, sakuna Dawan mita baha nani mihta ra aiklaklabra daknika kau ailal mangkan, baha ai damika nani Dawanka ra lulki swin bamna. Baku Joás ra klala yabaia kan ba yan.

2 Kronikas 24:24 ပူးပေါင်းရင်းမြစ်များ

2 King Nani 12:17

Baha piua ra Hazael, Siria kingka ba, Gat mapara bal aiklaban bara pura luan, bara ningkara Hazael ba Jerusalem mapara sin wih aiklaban.

2 Kronikas 16:7

Baha piua nani ra prapit Hananí bâra kata, bara witin king Asá ra wan kaikaia, witinka Juda kingka ba, bara wiaia: “Siria kingka ba suldiarkam nani mihta wina swakwi wan, kan man Siria kingka ra tniwram bamna, sakuna Dawan Gâd ra lika tniwras kapram.

2 Kronikas 22:8

Bara Jehú ba Ahab taika nani mapara lâ dauki kan piua ra, Juda tâ uplika nani bara Ocozías taika nani sin wal prawan, witinka warkka dauki kan ba, bara witin baha nani sut sin ikan.

2 Kronikas 24:20

Bara Sakaraya, prîs Joiadá luhpia ba, Gâd spiritka witin ra iwan ba ra, plis prumhni kum ra uli wan bara ningkara upla nani ra win: “Gâd ba naku wisa: ‘¿Dîa kan man nani lâika bîla walras sma? ¿Man nani bui pliki banhwisma Dawan lawanka ba? ¡Man nani bui lulki ai swiram, bamna yang sin man nani ra lulki mai swimni!’ ”

2 Kronikas 28:5

Baha tâwan Dawan Gâd mita witin ba Siria kingka mihta ra mangkan, bara Siria uplika nani mita pura luan, upla uya Damaskus ra bri si silak ra mangkan. Dawan mita Israel kingka nani mihta ra sin mangkan, bara baha nani mita sin pura luan bara ikan.

Aiseya 13:5

Kuntri kum laih pali ra bâra ba wina aula, baila wala tani ba wina sin. Dawan ai kupia baiwanka aiklabaika dukia nani ba wal, tasba aiska ba sauhki tikaia aula.

Aiseya 30:17

Upla kumi mita tausin kum munka plapbia tayahkan kan ba mita: upla matsip mita tayahkanka daukbia ba mita man nani sut plapma, upla maura baman takaskan kabia il purara dus kumi bâra ba baku, apia kaka sain kum kiuhsi kum purara swin ba baku.

Jirimaya 37:10

Man nani Caldea uplika nani ba mapara aiklabi aiklaklabra nani ba sut ikma sin, sakuna insauhkan aiklaklabra nani watla ra bâra ba, baha nani ba bal tawanka na angkbia.”

Libait Lâka 26:25

Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Libait Lâka 26:37

pana pana mina pruki plapi kama war sîa plapi baku, sakuna upla kumi sin ninam blikras kabia; ¡man nani wina kumi sin waihlam mapara buaia sip apia kama!

Libait Lâka 26:8

man nani matsip mita 100 waitna munrika plapi kabia, man nani handat kumi mita 10,000 ra munrika plapan kabia; waihlam nani sut sordka kainamra kauhan kabia.

Abakuk 1:12

Dawan, man ba tâ pali wina Dawanki ban sma. ¿Man ba yang nani Gâdki sunukira ban kaia ra raya sma apia? Yang nani kaini kakahbra Dawanka, man mita Caldea uplika nani ra karnika ba yaram kasakkam lâka tânka ba kat daukaia.

Sofonías 1:2

Dawan naha kasak aisisa: “Tasba ra diara nani bâra ba sut âpu pali daukaisna.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.