2 Kronikas 24:18 - DAWAN BÎLA AISKA

¹⁸ bara witin nani Dawan tempelka ba mahka swin, ai damika nani Gâdka kata ba, bara Aserá gâdka lilka nani ra mayunan, aidul wala nani ra sin. Naha saurka tâwan, Dawan ai kupia sauhkan Juda bara Jerusalem ra sin.

2 Kronikas 24:18 ပူးပေါင်းရင်းမြစ်များ

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

1 King Nani 14:23

Kan witin nani sin gâd bahki nani watla paskan, walpa nani bara dus playa kutbanka nani bukan Dawan bahki ra mayunaia dukiara, kiuhsi nani ra, dus tnawa ailal bri nani munhtara sin.

1 King Nani 14:9

Ban sakuna, man kainamra kan nani ba wal kau saura daukram; bara man kupi sauhkram, gâd bahki nani lilka paski daukram, bara yang na man ninamra ai lakram.

2 Kronikas 12:1

Roboam kingka lâka karna takan, bara witin ai dahra walan witin ba karna sa, bamna Gâd lâka wina tnaya ra tawan, Israel luhpia nani sut sin witin daukan baku daukan.

2 Kronikas 12:2

Baha nani lukras kan Dawan ra, bara king Roboam ai kingka lâka mani matsip bri kan ba ra, Sisac, Idsip kingka ba, war daukan Jerusalem mapara,

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 21:13

Man bui Israel kingka nani nina blikram bara sin man puramra sa Juda bara Jerusalem uplika nani Dawan wina tnaya ra tawan ba, Ahab kiamka nani daukan ba baku. Baman sin apia, sakuna muihkam nani sin ikram, man wal baha nani ba kau yamni kan.

2 Kronikas 24:17

Joiadá pruan ningkara, Juda wihtka nani wan bara king ra nina mayunka tara yan. Bara witin nani mita lâ mariki kan ba alki brin,

2 Kronikas 24:4

Piua kum luan ningkara, Joás ridi takan Dawan tempelka ba paskaia,

2 Kronikas 25:15

Bara Dawan Amasías ra ai kupia sauhkan, bara prapit kum blikan witin ra wiaia: —¿Dîa kan gâd bahki nani ra waram, baha gâdka nani ba sip ai nisanka pri sakras ba?

2 Kronikas 28:13

bara witin nani ra win: —Nahara war uplika nani silak ra mangkaia bri balpara, kan baha wal Dawan mapara pâtkira wan kulkbia. Man nani daukankam wal saurka nani kau aipaswisa, bara wan pâtka saurka nani ba uya pali sa, bara Dawan ba Israel wal uya ai kupia sauhkbia.

2 Kronikas 29:8

Baha mita Dawan ba Juda bara Jerusalem mapara ai kupia baikan, baha mita witin nani daukan ba mita sirang wan iki kaia Dawan mita baku daukan.

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

2 Kronikas 34:25

Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

Impakan Sturka 34:12

“Baha tasbaya ra dimma ba ra, uplika nani ba wal lâ kumi sin daukpara pali, baha mita minam alkaika ra kauhma apia.

Impakan Sturka 34:13

Man nani was bara altar diara angkaia watla bri ba bataks; lilka bahki nani bri ba kriki tiks, walpa ni lilka daukan nani ba sut âpu dauks.

Jirimaya 17:2

Luhpiam nani baha altarka nani ba ra ai kupia kraukisa, dus plamaya nani aidulka ra mayuni baku, dus nani wahia tara pâwan ba mununhtara kiuhsi nani purara ba ra sin bukisa,

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Jasua 22:20

Kupiam krauks, Acán Zérah luhpia ba dukiara, witin saura daukan diara holi sauhki tikaia kan ba brin ba tâwan, bara witin pâtka mita Dawan ba Israel luhpia nani sut wal ai kupia sauhkan. ¡Bara Acán baman lika pruras kan ai saurka mana!

Wihta Nani 5:8

“Israel luhpia nani 40,000 ai gâdka raya nani mangki briaia tawan getka nani ra aiklabi kan ba ra, sakuna witin nani ai langsika tâura, ai kaina kahbi yukuwaika briaia tânka kum sin kaikras kan.

Wihta Nani 8:33

Gedeón pruan ba ningkara, Israel luhpia nani Dawan ra mayunras kli swin. Baal lilka nani sât sât daukan bahara ai pura sunaia dukiara, bara Baal-berit ba witin ai gâdka bâk saki brin.