2 Kronikas 24:16 - DAWAN BÎLA AISKA

¹⁶ Bara Debit Tawanka ra bikan, king nani bikan kan ba lamara, witin bui Israel tilara ai wark yamni daukan bamna, Dawan wal bara ai tempelka wal sin.

2 Kronikas 24:16 ပူးပေါင်းရင်းမြစ်များ

1 King Nani 2:10

Bamna Debit ba pruan bara ai damika nani raitika ra bikan, Debit Tawanka ra,

2 King Nani 12:7

Bamna king Joás mita prîs Joiadá ba paiwan balan bara prîs wala nani ba sin, bara witin nani ra win: —¿Dîa muni tempel aisawan nani ba paski banhras sma? Bamna nanara man nani lalah ba kau bripara main kakaira nani ba wina, sakuna witin nani ra yas tempel aisawan nani ba paskbia.

2 Kronikas 21:2

Joram muihnika nani, Josafat luhpia nani ba naha nani kata: Azarías, Jehiel, Sakaraya, Micael bara Sefatías. Witin nani sut Josafat Juda king ba luhpia nani kan.

2 Kronikas 21:20

Bara king lâka ra iwan taim mani 32 bri kan, bara Jerusalem ra lika 8 mani king aimakan. Witin pruan ba ra, upla kum sin ai sarka briras kan. Debit Tawanka ra bikan, sakuna king nani raitika ra lika bikras kata.

2 Kronikas 24:15

Baku Joiadá ba almuk pali takan, ai yua sut brin ba 130 mani, bara pruan.

2 Kronikas 24:17

Joiadá pruan ningkara, Juda wihtka nani wan bara king ra nina mayunka tara yan. Bara witin nani mita lâ mariki kan ba alki brin,

2 Kronikas 31:20

Ezequías naha sut Juda ra daukan. Ai daukanka nani ba pain kan, wapni bara kasak Dawan Gâd mawanra.

Nihimaya 13:14

¡Yang Dawanki: yang ra luki bas, naha dukia nani yang daukri na âmya tikpara, diara yamni nani wamtla ra daukri ba, bara man warkkam ra daukri ba sin!

Mark 6:29

Jan nina blablikra nani naha walan piua ra, ai wîna tara ba bal bikaia brih wan.

Apastil Nani Sturka 2:29

“Muihki nani, ai swis yang wan damika Debit dukiara param mai wimna. Witin ba pruan, bara tasba ra bikan, ban naiwa yua kat ai raitika ba kau yawan brisa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.