2 Kronikas 21:19 - DAWAN BÎLA AISKA

¹⁹ Piu nani lui kan ba ra, mani wâl alkan kat, ai biara nani yakawan bara latwan wahwi si pruan. Ai tawanka uplika witin ra luki, pauta sin mukras kan, ai damika nani wal dauki banhwi kata ba baku.

2 Kronikas 21:19 ပူးပေါင်းရင်းမြစ်များ

2 Kronikas 16:14

sakuna ai raitika ba Debit Tawanka ra witin mita pat paskan kan ba ra biki banhwan. Bamna witin nani bui witin ba krikri kum ra mangki, kîa pain daukaia dukia nani ailal sâtka bani brih, wîna ba sîka pain daukan. Ningkara pauta tara muki pura mata ini pain kulkan lâka ba yabi bri kan.

2 Kronikas 21:15

Bara man puramra balbia siknis sâtka ailal, klungkam sikniska karna nani, man biamra sirpika nani sut dakwi yakawbia ba kat.’ ”

2 Kronikas 24:25

Siria uplika nani mahka wan ba ra, Joás siknis pali krikri ra prawi kan, ai warkka uplika nani witin mapara buan, prîs Joiadá luhpia ra ikan ba mana, pana yaka ikaia dukiara, bara witin ba ai krikrika kat ikan. Baha ningkara bri si Debit Tawanka ra bikan sakuna king nani raitika ra lika bikras kata.

Jirimaya 34:5

Man pri lâka ra âmyapah pruma, kîa pain nani sin man puramra angkbia, damikam nani nanara king aimaki kan pruan purara angki kan ba baku, bara witin nani sin man puram mata ini aisabia: ¡Alai, dawan! Yang, Dawan, kasak aisisna, bara yang bîli maikisni.’ ”