2 Kronikas 21:15 - DAWAN BÎLA AISKA

¹⁵ Bara man puramra balbia siknis sâtka ailal, klungkam sikniska karna nani, man biamra sirpika nani sut dakwi yakawbia ba kat.’ ”

2 Kronikas 21:15 ပူးပေါင်းရင်းမြစ်များ

2 Kronikas 21:14

Naha mita, Dawan bui man uplikam nani purara blikisa pât saura pali, luhpiam nani ra, mairkam nani bara man diara brisma ba sut purara.

Lawana Nani 109:18

Lahtubaia lâka ba ni ai prâka baku dingkbia; lâka ba lî baku, batana laya baku, ai biara ra bara ai dusa ra dimbia;

Kulki Kaikanka 5:27

Bamna laya ba dibia ba ra, mairin ba tâski takan sa kaka ban kra ai maya nakra tihmu, waitna wala wal yapan kaka, bara lahtuban warkka dauki laya nani ba mairin biara ra iwi wabia tahpla daukaia, bara biara ba puskbia, bara luhpia ba sin lasa luhpia baku takbia, bara mairin ba upla nani tilara lahtuban kabia.

Apastil Nani Sturka 1:18

Sakuna ai saurka mana aibapan lalahka ba ni, witin wih tasba kum atkan, ningkara witin ai lal tani tasba ra kauhan, bara ai biara nani sut baiwi latara takan.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Kli Smalkanka 28:27

“Dawan bui maikbia sukwan sikniska, yukri, sus bara bulpis, Idsip uplika nani ra daukan kata baku pât wauhma, bara naha sikniska nani wina sip rawma apia.

Kli Smalkanka 28:37

Bara ani pliska nani sut ra Dawan mita mai brih wabia ba, upla wala nani mita mai kaikbia, saura sirang iwram baku kama, lukan bîla mampara aisi lawaska kiki kabia.

Kli Smalkanka 28:59

witin mita siknis saura sibrinkira nani blîkbia man puramra bara kiamkam nani purara sin, sip rawras sikniska nani ba sin blîkbia.

Kli Smalkanka 28:61

Baha purkara siknis wala nani bara siknis yula wala nani naha wauhkataya smalkanka ra âpu ba blîkbia, mai sauhki tikbia ba kat.

Kli Smalkanka 28:67

Sirang mai iki kabia ba tâka, bara diara nani kaiki kama ba mita sin, titan kaka wima: ‘¡Ay, nanara tihmia kaia si!’, bara tihmia kaka wima: ‘¡Ay, nanara titan kaia si!’