2 Kronikas 21:13 - DAWAN BÎLA AISKA

¹³ Man bui Israel kingka nani nina blikram bara sin man puramra sa Juda bara Jerusalem uplika nani Dawan wina tnaya ra tawan ba, Ahab kiamka nani daukan ba baku. Baman sin apia, sakuna muihkam nani sin ikram, man wal baha nani ba kau yamni kan.

2 Kronikas 21:13 ပူးပေါင်းရင်းမြစ်များ

1 King Nani 16:25

Bara Omrí Dawan mawanra saura daukan, witin ai kainara king aimakan nani ba wal, kau saura pali daukan.

2 King Nani 9:22

Bara Joram ba Jehú kaikan ba ra win: —¿Kupia kumi lâka sturka brih aulma ki, Jehú? Bara Jehú pana win: —¿Dîa kupia kumi lâka bâra kabia, man mamikam Jezabel ba ur takan baman tauki ba, bara sukia lâka ba sin swiras ba?

2 Kronikas 21:11

Witin sin aidul nani ra mayunaia pliska nani paskan Juda untika nani tilara, bara witin bui munan Jerusalem uplika nani Dawan wina laihura takan bara Juda ai yabalka wina tnaya ra tawan.

2 Kronikas 21:14

Naha mita, Dawan bui man uplikam nani purara blikisa pât saura pali, luhpiam nani ra, mairkam nani bara man diara brisma ba sut purara.

2 Kronikas 21:4

Sakuna Joram king aimakan ba ra, ai lâka ba karna daukan, ai muihni nani sut ikan skiru ni bara Israel wihtka nani sin ikan.

2 Kronikas 21:6

Sakuna Israel kingka nani nina blikan, bara Ahab kiamka nani yabalka ra sin wapata, kan ai maya mairin ba lika Ahab kiamka kan bamna; baha mita ai daukanka ba saura kata Dawan nakra ra.

2 Kronikas 24:18

bara witin nani Dawan tempelka ba mahka swin, ai damika nani Gâdka kata ba, bara Aserá gâdka lilka nani ra mayunan, aidul wala nani ra sin. Naha saurka tâwan, Dawan ai kupia sauhkan Juda bara Jerusalem ra sin.

Impakan Sturka 34:15

“Baha tasbaya ra iwi uplika nani wal lâ kumi sin daukpara. ban kra witin nani gâd bahki nani bri ba ra ai pura sunbia lika, baha gâdka bahki nani ra sin diara angki yabia ba ra, man nani ra sin mai paiwbia baha gâdka ra angki yan ba wina piaia,

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Abakuk 2:12

¡Man nani sarkam pali ai daukisa, upla ikram tâlia ba purara watawika lâka ba ni tawankam tara nani paskisma ba!

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.