2 Kronikas 20:6 - DAWAN BÎLA AISKA

⁶ bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

2 Kronikas 20:6 ပူးပေါင်းရင်းမြစ်များ

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

1 King Nani 8:30

Baku bamna, albikam pura sunra ba walma, bara uplikam Israel luhpia nani sin, naha watla ra bal ai pura suni ba walma. Man iwaikam kasbrika purara pali ba wina wali kama, pâtka ba sin ban swih tikma.

1 Kronikas 29:18

Dawan, almukki nani Ebraham, Aisak bara Israel Gâdka, naha man uplikam nani ai kupia wilinkira lâka bri ba ban kaia ra bris, bara yarka ai kupia ba man kat wapi kabia.

2 Kronikas 20:5

Josafat buan upla nani tilara, Jerusalem ra asla takan bara tempel watla mawanra, Dawan watla raya paskan ba ra,

2 Kronikas 25:8

Sakuna man aiklaklabrikam nani tâ baikaia lukisma kaka, witin nani wal war ra waia, Dawan mita witin nani ba yaka kauhbia waihla nani mihta ra, kan Dawan ba karnika brisa tâ baikaia bara sauhki tikaia sin.

2 Kronikas 5:14

bara prîs nani takaski ai pura sunaia sin sip apia kan kasbrika nani ba mita, kan pura sunaia watla ba Dawan prana ni banhwan pali kata.

2 Kronikas 6:14

bara makaban: “Dawan, Israel Gâdka, man baku Gâd wala âpu sa kasbrika purara, baku sin naha tasba mâyara sin apia, man alki brisma ba wal lâ daukan lâka bara kupia yamni lâka sut albikam nani ra, baha nani ai kupia aiska kira man dukiam dauki nani ra.

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 47:8

¡Dawan sika nisan nani kingka ba! ¡Dawan sika ai iwaika holikira ra iwi ba!

Lawana Nani 54:1

¡Swaki ai sâks, Gâdki man ninam ba mita! ¡Karnikam ba wal kaini kahbi bas!

Lawana Nani 62:11

Kau aima kumi walri naha Gâd aisin ba: karnika ba, bara latwan lâka ba witin ai dukia sa.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Apastil Nani Sturka 11:17

Bamna baha lika param sa, Gâd mita baha nani ra Spirit Holikira yan, sim yawan bui Dawan Jisas Kraist ra kasak lukan ba ra wankan ba baku. ¿Bamna yang na yamna, Gâd mapara buaia?

Roman 9:19

Sakuna man ban ai wima: “Baku sa kaka, ¿dîa kan Gâd mita upla pâtkira kulkisa? Bamna, ¿ya sip sa witin ai kupia lâka ba mapara buaia?”

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.