2 Kronikas 20:33 - DAWAN BÎLA AISKA

³³ Ban sakuna, aidul ra pura sunaia pliska idan nani bri kan ba kau sakras kan, kaikan tawan uplika nani ba kau kasak bapi buras kata, Dawan nina blikaia ai damika nani bliki kan ba baku.

2 Kronikas 20:33 ပူးပေါင်းရင်းမြစ်များ

2 Kronikas 12:14

Ai daukanka nani ba saura kan bara kasak pali ai kupia ra Gâd plikaia lukras kan.

2 Kronikas 14:3

Tringsar nani gâdka altarka bâra kan ba sut sakan, ai pura sunaia pliska nani gâd bahki ra witin nani dawan wal aisaia bri kan pliska nani ba sin baiki tikan, baku sin Aserá lilka nani kan ba sut kalki tikan.

2 Kronikas 15:17

Bara Israel ra gâd bahki wal aisaia watla nani ba ai tila wina sakras kan, Asá ban Dawan ra kasak luki kan,

2 Kronikas 17:6

Bara ai kulkanka ba tara sa luki ai kainara impakan, Dawan bui yan bamna, kli Juda wina sakan kata aidul nani pura sunaika pliska nani, bara Aserá lilka nani sin.

2 Kronikas 19:3

Ban sakuna, diara yamni nani manis bâra sa tâm baikaia, kan Aserá lilka nani sut sauhki tikram tawan bilara kata ba, bara Dawan ra plikram.”

2 Kronikas 20:32

Josafat ba kasak lâka ra, ai kingka lâka ba brih wan kata. Ai aisa Asá kan baku, ai daukanka nani ba Dawan mawanra wapni baman kata.

2 Kronikas 30:19

Dawan, man wan almukka nani Gâdka, naha uplika nani saura wina klin takras kra kabia, sakuna tempel ba klin sakan kabia ba want sa.”

2 Kronikas 33:17

Ban sakuna, upla nani ba ban aidul ra tempel ra sakripais dauki ai pura suni kan, ai Dawan Gâd ra mayunra yabi kan sakuna.

Kli Smalkanka 29:3

Bara baha traika kaikanka tara nani, sainka aihkakira nani kan ba baha nani witniska nani sma.

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”