2 Kronikas 20:24 - DAWAN BÎLA AISKA

²⁴ Juda waitnika nani ba upla iwras tasbaya ra wih kaikan piua ra, ai waihla nani ba sut pruan kata, tasba ra prawi banhwi kan, upla kumi sin baha wina swak takras kata.

2 Kronikas 20:24 ပူးပေါင်းရင်းမြစ်များ

2 King Nani 19:35

Bara baha sim tihmika, Dawan insalka ba taki wan Asiria nani kiampka ra, bara upla nani 185,000 ikan, bara titan ra bûi banhwan ba ra sut pali ba pruan atia kan.

1 Kronikas 5:22

Waihla nani ailal pali pruan kan, baha warkka ba Dawan wina kan ba mita. Bara bahara takaski iwi banhwan, alki brih wan piua ba kat.

2 Kronikas 20:23

Kan Amón bara Moab uplika nani ba, Seír, tawanka nani il tara nani ra kan ba ra aiklabi sauhki tikan aiska sut; baha ningkara witin nani ai tila kat pana pana sauhki tiki banhwan kata.

2 Kronikas 20:25

Bara baha ningkara Josafat ai uplika aikuki kupia tanh krawan, ai waihla nani diara swih wan ba wih wahbi briaia. Witin nani wan bara aiklabaia dukia nani, kwala nani bâra kan, bara baha sut witin nani wahbi kan. Diara ailal pali kan bamna, sut bri waia sip apia kan. Baha diara ailalka ba yu yumhpa wahbi kan.

Esdras 9:14

¿Bara yang nani kli man lâmka nani bîla ba kriki, upla sât wala nani upla wala ra misbara kaiki nani ai natka nani dauki ba tilara, wan kiamka nani saki kaia sna ki, witin nani wal baku taki? ¿Yang nani baku daukamna kaka, lawankam tara ba wan mapara bal âpu wan daukras kama ni, naha kiamka nani wina kumi sin plapi swak takbia apia, titikbi iki tikan kabia?

Lawana Nani 110:6

witin nisan nani mapara lâka daukbia; upla pruan nani wîna ba paski swibia; ¡tasba bani ra upla lal nani ba yaka pana pana prukbia!

Impakan Sturka 14:28

Kabu bîla kwawan ba kli bal wal prawan bara king fero waginka nani, aras âiulra nani ba, war aiklaklabra nani sut, Israel luhpia nani nina bliki kabu ra dimi wan nani ba, kumi sin swak takras ailal takaskan.

Impakan Sturka 14:30

Baha yua Dawan bui Israel luhpia nani ba, Idsip uplika nani mihta wina swaki sakan. Israel luhpia nani ba, Idsip uplika nani wîna tara prui kabu un ra awi ulan nani ba kaiki kan.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.