2 Kronikas 20:23 - DAWAN BÎLA AISKA

²³ Kan Amón bara Moab uplika nani ba, Seír, tawanka nani il tara nani ra kan ba ra aiklabi sauhki tikan aiska sut; baha ningkara witin nani ai tila kat pana pana sauhki tiki banhwan kata.

2 Kronikas 20:23 ပူးပေါင်းရင်းမြစ်များ

Blasi Sturka 14:6

Baku sin Hor uplika nani Seír ilka ra kan nani ra sin, wal aiklabi pura luan bara nina bliki plis kum El-parán upla iwras tasbaya lama kat wan.

2 Kronikas 20:24

Juda waitnika nani ba upla iwras tasbaya ra wih kaikan piua ra, ai waihla nani ba sut pruan kata, tasba ra prawi banhwi kan, upla kumi sin baha wina swak takras kata.

2 Kronikas 21:8

Joram king aimaki kan ba piua ra, Edom mita klauna mapara buan, bara ai tilara ai kingka mangkan.

Aiseya 19:2

“Idsip uplika nani ba, ai tila kat mapara buaia daukamna bara kumi bani ai muihni mapara aiklabia, ai uplika nani mapara tawan ba tawan mapara, king tasbaya lâka ba king tasbaya lâka mapara aiklabaia.

Isikiel 38:21

Yang yabrika balbia, Gog purara saurka sât sât sibrin ni banhbia dukiara. Siknis wal klala yabamna bara prura aihkakira karna pali sin. Yabrika witin, ai suldiar bara uplika ailal nani ai yula kahbi nani ba purara balbia, lî ailal auhi, lî klaswan nani, pauta bara sulpa lapta nani ba; bara upla nani sut ba pana pana ai mawanra kauhi kabia ai sordka nani wal. Yang, Dawan, kasak aisisna.

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Kli Smalkanka 2:5

bara man nani lika witin wal unsapara, kan baha tasbaya wina yang pîs kum sin maikaia apia sna, kan Seír ilka tasbaya nani ba Isau kiamka nani tasbaya yang yabri.

Jasua 24:4

bara Aisak ra luhpia wâl yâri, Jekob bara Isau. Bara Isau ra Seír tasbaya ilka unta biara ra ba yâri, sakuna Jekob bara ai luhpia nani wal lika Idsip ra wan.

Wihta Nani 7:22

bara 300 waitna nani ba kli sîpka aringka nani ba ban puhbi kan. Dawan bui baku daukan, Madián uplika nani ai tila kat klauna aiklabi prui kaia, bara ai kiampka nani wina sin taki plapi kaia, Bet-sitá tawanka ra, Sererá yabalka ra, Abel-meholá tasbaya piarkika kat, Tabat tawanka ba lamara.

1 Samuil 14:20

Baha ningkara, Saúl war waitnika nani sut ba asla daukan, bara witin aikuki war aiklabaia taki wan. Sakuna filisteo nani baha prura sibrinka ba mita, pana pana aiklabi klauna iki kan.