2 Kronikas 20:17 - DAWAN BÎLA AISKA

¹⁷ Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

2 Kronikas 20:17 ပူးပေါင်းရင်းမြစ်များ

1 King Nani 20:13

Bara Israel kingka Ahab ra prapit kum balan, bara win: —Dawan ba naku wisa: ‘Kaiks, man waihlam nani kwâra tara kaikisma, sakuna baha nani sut yang bui mihtam ra mangkamna, bara man tânka brima yang sika Dawan sna ba.’

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 20:16

Yauhka man nani mâyara iwi wih, war dauks. Witin nani Sis ilka bâk uli aula, bara bahara prawma tingni tâ kum ra, Jeruel upla iwras tasbaya mawanra.

2 Kronikas 32:7

“¡Man nani karna bara kupiam sin karna bri bas! Man nani si bripara, lukankam swapni takbiara Asiria kingka mawanra bara suldiarka nani ailal pali ai yula kahbi ba mawanra, kan yawan kau upla ailal sa bamna.

2 Kronikas 32:8

Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Impakan Sturka 14:25

Waginka wilwaika nani ba sin drapapa ra kakahwi kan, baha mita witin nani sip ai kanra waras kan. Bara Idsip uplika nani ba win: —Kaisa yawan Israel luhpia nani mawan wina plapaia, Dawan ba witin nani tâwan yawan wan mapara aiklabisa bamna.

Impakan Sturka 6:1

Bara Dawan pana witin ra win: —Nanara man kaikma king fero wal yang dîa daukamna ba, yang bui witin ra taibi munrika ai tasbaya wina upliki nani ba swika taki wabia; bara kau ni, witin mita uplika nani ba kangbi sâkbia.

Aiseya 30:15

Dawan, Israel Gâdka Holikira ba, naku aisin: “Man nani kli tawi bal, âmyapah bas, bara swaki mai sakan kabia. Âmyapah kaia kasak lukaia ba wina karnikam ba bâra kabia.” Sakuna man nani baha briaia apia wiram,

Aiseya 30:7

karnika âpu, hilp munaia tâ baikaia sip apia. Baha mita nina ba yang naku mâkisna: “Daiwan saura tara kum uhbisa, sakuna diara daukras”.

Aiseya 37:6

Bara Aiseya mita adar yaban: “Man nani dawankam ra naku wima: Dawan mita naku win sa: ‘Aisanka nani walram ba dukiara si bripara, baha bîla wal sika laihtuban, Asiria kingka albika nani ba mita.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Inanka Nani 3:26

Kanra yamni sa, sâp taki Dawan hilp wan munaia ba bîla kaiki kaia.

Emus 5:14

Yamni ba dauki kaia pliki bas, saura dauki kaia lika apia, bara man nani raya kama. Bara baku lika aisisma ba kasak kabia: Karnika sut pali brih Dawanka ba, man nani wal kabia.

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Kli Smalkanka 3:22

Si bripara, kan Dawan Gâdkam ba man nani hilpkam ra aiklabia.’

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

Wihta Nani 7:21

Israel luhpia nani ba lika plapras witin nani kiampka ra kir sâp bâra bûi banhwi kan. Sakuna Madián suldiarka nani sut lika, ai pura wini kiampka ba wina taki plapi banhwi kan,

1 Samuil 17:47

upla sut nâra aidruban na kaikbia Dawan ba sord ni bara langsa ni sin swaki wan sakras. Naha na Dawan warka, witin bui wan mihta ra mai mangkbia.