2 Kronikas 2:6 - DAWAN BÎLA AISKA

⁶ Ban sakuna, ¿ya pali ba sip sa tempel watla kum mâkaia, kasbrika purara ai yahpika wal sip alki briras? ¿Bara yang na ya sna, tempel kum mâkaia ban kra kîa yamni angki kulkaia baman dukiara?

2 Kronikas 2:6 ပူးပေါင်းရင်းမြစ်များ

2 Samuil 7:18

Bara king Debit bal diman tint watla ra Dawan lamara wal aisaia, bara aisin: “Dawan, ¿yang na ya sna ki, bara yang taiya nani ba sin ya, man mita yang nani na naha kat ai bri balaia?

1 King Nani 7:13

Bara king Salaman bui blikan Tiro wina Hiram ba bri balan,

1 King Nani 7:14

witin ba Neftalí kiamka wina piarka mairin kumi luhpia waitna, papika ba bras warkka dauki kan. Witin ba Tiro wina kan, bamna Hiram lika bras warkka daukaia sinska lâka tânka ni banhwan kata. Witin Salaman ra balan, bara dîa warkka bri kan ba sut dauki yan.

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

1 Kronikas 22:15

Baha sut purkara, man wark uplika ailal pali brisma, walpa warkka tânka bri nani ba, walpa ni utla paskaia tânka bri nani, tat ni utla paskaia tânka bri nani, wark sât sât daukaia tânka yamni bri uplika nani lika sip kulkras pali, gul, silbar, bras bara ayan warkka lan nani ailal pali. Baku bamna, mihtam ba wark ra dingks, bara Dawan tâm baikbia.”

1 Kronikas 29:14

¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

2 Kronikas 1:10

Baku bamna, nanara sins lâka aik bara diara tânka briaia ba sin, bara baku yang sip kamna naha uplika nani tâ briaia, ¿kan man uplikam ailal pali na ya mita wihtka aimaki kabia?”

2 Kronikas 6:18

“Ban sakuna, ¿baha ba kasak sa ki, Gâd ba upla wal naha tasba purara iwi kaia? Bara kaiks kasbrika purara nani ba, bara yahpika ba sip alki briras ba apia. ¡Bara nahki sip kabia naha tempel, yang bui paski maikri na!

Impakan Sturka 3:11

Bamna Moses bila Gâd ra win: —¿Yang na yamna sna ki king fero mawanra waia, bara Israel luhpia nani ba Idsip wina brih sakaia?

Impakan Sturka 31:5

bara walpa manakira nani ba karbi diara daukaia, dus nani sin karbaia, bara dîa wala warkka nani kabia ba sut baku daukaia.

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

2 Korint 2:16

Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia?

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:14

Dawan bui man nani kiamkam bani tila wina wahbi mai sâkbia ba pliska ra baman man nani baha dauki kama. Bahara yang bui man nani ra adar maikri ba baku daukma.

Kli Smalkanka 12:26

Sakuna prisant nani yamni munan ba, pramis daukan dukia nani ba, Dawan bui aihka sakan ba pliska ra brih was,